Андреев бухтаһы
| Андреев ҡултығы | |
|---|---|
| Характеристикалары | |
| Ҡултыҡ төрө | бухта |
| Урынлашыуы | |
| 47°14′27″ с. ш. 38°56′10″ в. д.HGЯO | |
| Үрҙәрәк ятыусы акватория | Таганрог ҡултығы |
| Ил | |
| РФ субъекты | Ростов өлкәһе |
| [[административ бүленеше Рәсәй|Район]] | Таганрог |
Андреев ҡултығы — Таганрог морононоң төньяҡ өлөшөндәге Таганрог ҡалаһының Таганрог металлургия заводы янында урынлашҡан Азов диңгеҙе бухтаһы.
Тарих
Таганрог металлургия заводы бухтаһы, хәҙер Андреев бухтаһы XIX һәм XX быуаттарҙа Ҙур Ташбаҡа соҡороноң Таганрог ҡултығына ҡушылған урынында тора[1]. Был яҡҡа ике тимер юлы һуҙылған, улар бухтаны завод территорияһы менән тоташтыра. Һыу территорияһында металл һәм ағас конструкциялар ярҙамында ҡоролған өс пристань бар. Улар янында металлургия заводына Керчь һәм Украинанан сеймал ташыусы йөк караптары туҡталып торған. Һуңыраҡ бында элеватор төҙөлә.
2015 йылдың апрелендә Андреев бухтаһы киң мәғлүмәт сараларында ғәҙәттән тыш хәл арҡаһында иҫкә алына: яр буйында эшләгән кран һыуға ҡолай[2]. Кранда эшләүсене төҙөүселәр үҙҙәре ҡотҡара һәм Таганрог ашығыс ярҙам күрһәтеү дауаханаһына алып килә. Зыян күргән эшсенең баш һөйәге, мейеһе зарарланған була.
Этимологияһы
«Андреев ҡултығы» топонимик атамаһы Таганрог металлургия заводына бәйле бирелә. 1930-сы йылдарҙа күренекле совет партия һәм дәүләт эшмәкәре А. А. Андреев хөрмәтенә «Андреев исемендәге Таганрог дәүләт металлургия заводы» тип атала[3].
Географияһы
Андреев ҡултығы Таганрог морононоң төньяғында, ҡала эсендә, Таганрог металлургия заводы янында, Социалистик һәм Адмирал Крюйс урамдары киҫелешендә урынлашҡан.
Сығанаҡтар
- ↑ Назаренко В. Историческая справка 2014 йылдың 12 май көнөндә архивланған. // ngo-taganrog.ning.com. — 2010. — 14 июня.
- ↑ Челнокова В. В Таганроге в бухте Андреева в море упал строительный кран // www.ruffnews.ru. — 2015. — 19 апр.
- ↑ И дольше века льётся сталь / Под ред. Н. И. Фартушного. — Ростов-на-Дону: Принт-Сервис, 2006. — 288 с.