Балашов Всеволод Вячеславович

Ғилми дәрәжә	физика-математика фәндәре докторы[d]
Гражданлығы	СССР; Рәсәй;
Маҡтаулы исемдәре һәм башҡа бүләктәре
Һөнәр төрө	физик-теоретик
Вафат булған урыны	Мәскәү ҡалаһы, Рәсәй;
Эш урыны	МДУ-ның физика факультеты[d];
Туған тел	урыҫ теле
Вафат булған көнө	28 октябрь 2011 (80 йәш)
Заты	ир-ат
Уҡыу йорто	МДУ-ның физика факультеты[d];
Тыуған көнө	30 июль 1931
Тыуған урыны	Архангельск, РСФСР, СССР;

Всеволод Вячеславович Балашов (30 июль 1931 йыл — 28 октябрь 2011 йыл) — СССР һәм Рәсәй физигы. Физика-математика фәндәре докторы, профессор. Мәскәү дәүләт университетының физика факультетында атом ядроһы физикаһы һәм бәрелешеүҙәрҙең квант теорияһы кафедраһы мөдире. МДУ-ның Д. В. Скобельцын исемендәге ядро физикаһы ғилми-тикшеренеү институтының баш ғилми хеҙмәткәре. II дәрәжә «Ватан алдындағы хеҙмәттәре өсөн» орденының миҙалы менән бүләкләнеүсе (1995).

Ғалим Всеволод Тарасевичтың билдәле «Поединок» фотоһүрәтендә төшөрөлгән. 1963 йылда «Мәскәү университеты» серияһында эшләнгән фотоһүрәт World Press Photo конкурсы призеры була.

Биографияһы[үҙгәртергә | вики-тексты үҙгәртергә]

Всеволод Вячеславович Балашов 1931 йылдың 30 июлендә Архангельск ҡалаһында тыуған.

1949 йылда Архангельсктың 6-сы һанлы мәктәбен тамамлай. 1955 йылда Мәскәү дәүләт университетының физика факультетын тамамлай. 4 курста Фәндәр академияһының физик проблемалар институтына академик Лев Ландауға һөнәри махсуслашыу өсөн ебәрелә.

Университетты тамамлағандан һуң аспирантураға уҡырға инә, унда Юрий Широков етәкселегендә 1959 йылда «К теории взаимодействия оболочечных нуклонов в легких ядрах» темаһына кандидатлыҡ диссертацияһы яҡлай. 1964 йылда Ядро тикшеренеүҙәре берләштерелгән институттың теоретик физика лабораторияһында «Оболочечная теория ядерных реакций» темаһына докторлыҡ диссертацияһы яҡлай. 30 фән кандидаты әҙерләгән, шуларҙың 10-һы артабан физика-математика фәндәре докторы булып китә.

М. В. Ломоносов исемендәге премия лауреаты, СССР Дәүләт асыштар реестрына индерелгән 173-се номерлы «атом ядроларының тиҫкәре мюондарҙы резонанслы йотоу күренеше» асышы авторы, юғары мәктәп фәндәре Халыҡ-ара академия ағзаһы.

Теоретик ядро һәм атом физикаһы, юғары һәм аралаш энергияларҙа ядро реакциялары теорияһы өлкәһендә белгес.

Фәнни журналдарҙа бик күп баҫмалар авторы^[1].

Иҫкәрмәләр[үҙгәртергә | вики-тексты үҙгәртергә]

↑ Балашов Всеволод Вячеславович (урыҫ). ИСТИНА. Дата обращения: 17 ноябрь 2016.

[1] Балашов Всеволод Вячеславович (урыҫ). ИСТИНА. Дата обращения: 17 ноябрь 2016.

[1]