Башнялы йорт (Новочеркасск)
| Башнялы йорт | |
| Административ-территориаль берәмек | Новочеркасск |
|---|---|
| Дәүләт | |
 | |
| Мираҫ статусы | Төбәк әһәмиәтендәге Рәсәй мәҙәни мираҫ объекты[d] |
| Архитектура стиле | Ампир |
 | |
Башнялы йорт — Ростов өлкәһе Новочеркасск ҡалаһының Ҡыҙыл ауыш урамындағы төбәк әһәмиәтендәге мәҙәни мираҫ объекты. Ростов өлкәһе кесе өлкә советының 1992 йылдың 17 декабрендәге 325-се һанлы ҡарарына ярашлы архитектура ҡомартҡыһы булып танылған[1].
Тарихы
«Башнялы йорт» Ҡыҙыл ауыш (1917 йылға тиклем Крещенский урамы) һәм Кавказ урамдары мөйөшөндә урынлашҡан. Бина яҡынса XIX быуат уртаһында ампир стилендә төҙөлгән һәм XIX быуаттың икенсе яртыһында тау инженеры һәм 1880 йылда немец фабриканты Герцберг нигеҙ һалған ҡалала беренсе суйын-ҡойоу заводының хужаһы А. В. Миненковҡа ҡараған. Был заводта асамай урҙалары һәм башҡа метал өлөштәр, шулай уҡ Ермак майҙанында архитектор А. А. Ященко проекты буйынса төҙөлөүсе Новочеркасск ғәскәри Вознесенкий кафедраль соборы (1891 — 1904) скульпторҙар М. О. Микешин, В. А. Беклемишев проекттары буйынса төҙөлгән Ермак Тимофевич һәйкәле (1903—1904) өсөн ҡойма сылбырҙары эшләнә. Инженер Миненков сит илдәрҙә — Испанияла, Францияла йыш була, унда сәнәғәт етештереүен өйрәнә. Оло кешеләрҙең хәтирәләре буйынса, Новочеркасск ҡалаһына Д. И. Менделеев килә һәм үҙенең танышы Миненков йортонда туҡтап, китә[2].