Джанашиа Симон Николаевич

	груз. სიმონ ჯანაშია
Гражданлығы	Рәсәй империяһы; Закавказская демократическая федеративная республика[d]; Грузия Демократик Республикаһы[d]; СССР;
Уҡыу йорто	Тбилисси дәүләт университеты[d];
Вафат булған урыны	Тбилиси, Грузия ССР-ы[d], СССР;
Маҡтаулы исемдәре һәм башҡа бүләктәре	;
Заты	ир-ат
Эш урыны	Тбилисси дәүләт университеты[d];
Ойошма ағзаһы	СССР Фәндәр академияһы[d] и Национальная академия наук Грузии[d]
Ерләнгән урыны	Мтацминда[d];
Тыуған көнө	26 июль 1900
Вафат булған көнө	5 ноябрь 1947 (47 йәш)
Һөнәр төрө	тарихсы, университет уҡытыусыһы
Тыуған урыны	Макванети[d], Кутаиси губернаһы[d], Озургетский уезд[d], Рәсәй империяһы;
	Медиафайлы на РУВИКИ.Медиа

Симон Николаевич Джанашиа (шулай уҡ Джанашия; груз. სიმონ ნიკოლოზის ძე ჯანაშია) (26 июль 1900 йыл^[1], Кутаиси губернаһының Озургет өйәҙе Макванети ауылы — 15 ноябрь 1947 йыл, Тбилиси) — грузин тарихсыһы һәм йәмәғәт эшмәкәре, Грузин ССР-ы Фәндәр академияһын ойоштороусыларҙың береһе һәм уның академигы, тарих фәндәре докторы, профессор.

Биографияһы[үҙгәртергә | вики-тексты үҙгәртергә]

Симон Джанашиа 1900 йылдың 26 июлендә (башҡа сығанаҡтар буйынса — 18 ноябрҙә^[2]) Макванети ауылында (Гурия) тыуа. Билдәле грузин педагогы, этнограф һәм йәмәғәт хәйриәсеһе Николоз Джанашияның (1872—1918) улы була.

1922 йылда Симон Джанашиа Тбилиси дәүләт университетын тамамлай (беренсе сығарылыш). 1924—1947 йылдарҙа ошо университетта уҡытыусы (1924—1930), профессор ярҙамсыһы (1930—1935) һәм профессор (1935—1947) була. 1936 йылда Джанашиа СССР Фәндәр академияһы Грузин филиалы Тарих, тел һәм матди мәҙәниәт институтының директоры итеп тәғәйенләнә.

1941 йылда Грузин ССР-ы Фәндәр академияһын нигеҙләгән саҡта уның ғәмәли ағзаһы итеп һайлана. 1941—1947 йылдарҙа Академияның вице-президенты була. 1943 йылда Джанашиа СССР Фәндәр академияһы академигы итеп һайлана.

1940-сы йылдарҙа Джанашиа Мцхетала һәм Армазиҙа (Көнсығыш Грузия) археологик ҡаҙыныуҙар ойоштороусыларҙың береһе була.

Мтацминда пантеонында С. Джанашианың ҡәбере

Симон Джанашиа 1947 йылда Тбилисиҙа вафат була, Мтацминда пантеонында ерләнә.

СССР-ҙа академик Джанашиа исеме Грузия Дәүләт музейына бирелә.

Эшмәкәрлеге[үҙгәртергә | вики-тексты үҙгәртергә]

Симон Джанашианың фәнни ҡыҙыҡһыныуҙарының төп йүнәлештәре:

грузин һәм башҡа пиреней-кавказ халыҡтарының этногенезы
Грузияла һәм Кавказда феодализмдың генезисы
боронғо Грузия тарихы
боронғо Грузия археологияһы
Иберия Һәм Колхети (Колхида) батшалыҡтары тарихы
Грузияла христианлыҡ тарихы
Грузия һәм Кавказ тарихы буйынса сығанаҡтар
грузин, сван, абхаз, адыгей һәм башҡа телдәр.

Джанашиа — 100-ҙән ашыу ғилми-тикшеренеү эше авторы (улар араһында — унлап монография). 1949—1968 йылдарҙа Тбилисиҙа уның хеҙмәттәренең йыйынтығы баҫылып сыға.

Маҡтаулы исемдәре һәм башҡа бүләктәре [үҙгәртергә | вики-тексты үҙгәртергә]

2 Ленин ордены
Хеҙмәт Ҡыҙыл Байраҡ ордены (10.06.1945)
миҙалдар
беренсе дәрәжә Сталин премияһы (1943)
икенсе дәрәжә Сталин премияһы (1947) («История Грузии с древнейших времён до начала XIX века» (1946) тигән ғилми хеҙмәте өсөн).

Иҫкәрмәләр[үҙгәртергә | вики-тексты үҙгәртергә]

↑ Симон Джанашиа (1900—1947). Биобиблиография, Тбилиси, 1976 2015 йылдың 13 сентябрь көнөндә архивланған. на сайте Национальной академии наук Грузии
↑ Джанашиа Симон Николаевич // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.

Әҙәбиәт[үҙгәртергә | вики-тексты үҙгәртергә]

«Симон Джанашиа», Тбилиси, 1948 (на грузинском).
Шота Месхиа. «Выдающийся исследователь истории Грузии», Тбилиси, 1960 (на грузинском).
Симон Джанашиа (1900—1947). Биобиблиография, Тбилиси, 1976 (на грузинском, английском и русском языках).

[biobib-1] Симон Джанашиа (1900—1947). Биобиблиография, Тбилиси, 1976 2015 йылдың 13 сентябрь көнөндә архивланған. на сайте Национальной академии наук Грузии

[2] Джанашиа Симон Николаевич // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.

[1]

[2]