Жәһем ибн Сафуан

ғәр. جهم بن صفوان‎
Кемдә уҡыған	аль-Джаад ибн Дирхам[d]
Гражданлығы	Өмәүиҙәр хәлифәлеге
Вафат булған урыны	Мерв, Ғәббәсиҙәр хәлифәлеге
Һөнәр төрө	дин белгесе
Эшмәкәрлек төрө	Кәләм
Уҡыусылар	Дирар ибн Ғәмер
Заты	ир-ат
Вафат булған көнө	745
Тыуған көнө	696
Үлем төрө	Үлем язаһы
Үлем сәбәбе	обезглавливание[d]
Әүҙемлек урыны	Термез и Әл-Күфә
Тыуған урыны	Сәмәрҡәнд

Әбү Мөхриз әл-Жәһем ибн Сафуан әт-Тирмизи (ғәр. أبو محرز الجهم بن صفوان الترمذي‎; ? — 745) - Жәбәри ислам дин белгесе, иртә кәләмдең жәһмилек ағымына нигеҙ һалыусы һәм эпонимы.

Биографияһы

Жәһем ибн Сафуан бәнү расиб ғәрәп ҡәбиләһенән, ҡоллоҡтан иреккә сығарылғандар араһынан була (мәүлә), Сәмәрҡәндтә тыуған, Термезда, ә һуңынан Әл-Күфәлә йәшәгән. Күфәлә ул дин белгесе Жәғәд ибн Дирһәм менән менән осраша, һуңынан уның идеяларын вәғәзләй башлай. Жәһем Хөрәсәндәге өмәүи наместник Насир ибн Сәйәргә ҡаршы 734—736 йылдарҙағы ихтилалда ҡатнаша. Һуңыраҡ Өмәүиҙәргә әсирлеккә эләгә һәм Мервта 745/746 (128 һижри йыл) йылдарҙа язалап үлтерелә.

Тәғлимәте

Жәһем ибн Сафуан тәғлимәте мөғтәзилилеккә нигеҙләнгән. Мөғтәзилиҙәр кеүек үк, Аллаһы Тәғәләнең күркәм исем сифаттарымәңге йәшәүен һәм Аллаһты күреү мөмкинлеген инҡар итә. Ул да, үҙенең остазы кеүек әл-Жәғәд ибн Дирһәм кеүек үк, Аллаһҡа антропоморф характеристика биреү мөмкин түгеллеге һәм Ҡөрьәндең яралтылыуы тураһындағы фекерҙе алға һөрә. Жәһем ибн Сафуан шулай уҡ киләсәк ваҡиғалар (хәрәкәттәр) сикһеҙ була алмай, тимәк, Ожмах һәм Тамуҡ та мәңгелек була алмай тип һанай.

Шәкерттәре

XI быуат башында Нехавенда жәһемселәр мәктәбе эшләй, был хаҡта башлыса күп һанлы «Кире ҡағыуҙар» буйынса билдәле (Әхмәт ибн Хәнбәл, Ибн Ҡотайба, Әд-Дәрими һ.б.).

Жәһем ибн Сафуандың уҡыусылары араһында Дирар ибн Ғәмер (ваф. 815), Бәшәр әл-Мүрәйси (ваф. 833) һәм уның уҡыусыһы әл-Хөсәйен ән — Нәжжәр була.

Жәһем ибн Сафуандың һәм уның яҡлыларының әҫәрҙәре һаҡланмаған.

Ваҡыт үтеү менән жәһемселәрҙең бер өлөшө әшғариҙарға ҡушылған.

Әҙәбиәт

• Джахм ибн Сафван / Рощин М. Ю. // Григорьев — Динамика [Электронный ресурс]. — 2007. — С. 639. — (Большая российская энциклопедия : [в 35 т.]; vol. 2004—2017, вып. 8). — ISBN 978-5-85270-338-5.
• Али-заде, А. А. [219 Джабриты] // Исламский энциклопедический словарь. — М. : Ансар, 2007. — 400 с. — (Золотой фонд исламской мысли). — 3000 экз. — ISBN 5-98443-025-8  (рус.).
• Джахм ибн Сафван // Новая философская энциклопедия: В 4 тт. М.: Мысль. Под редакцией В. С. Стёпина. 2001.
• ДЖАХМ ибн САФВАН Абу Мухриз / Словарь по исламу А. Колодина