Коровкин Павел Петрович
| Коровкин Павел Петрович | |||||||||
|---|---|---|---|---|---|---|---|---|---|
| Файл:Коровкин Павел Петрович.jpg | |||||||||
| Тыуған көнө | 9 (16) июль 1913 (111 йәш) | ||||||||
| Тыуған урыны | |||||||||
| Вафат көнө | 11 август 1985 (72 йәш) | ||||||||
| Вафат урыны | |||||||||
| Ил | |||||||||
| Ғилми даирәһе | теория приближений[d] | ||||||||
| Эшләгән урыны | |||||||||
| Альма-матер | |||||||||
| Ғилми дәрәжәһе | физика-математика фәндәре докторы | ||||||||
| Ғилми исеме | профессор | ||||||||
| Ғилми етәксеһе | Владимир Иванович Смирнов[d] | ||||||||
| Награда һәм премиялары |
|
||||||||
Коровкин Павел Петрович (9 июль 1913 йыл — 11 август 1985 йыл) — совет математигы, физика-математика фәндәре докторы, профессор.
50-нән ашыу хеҙмәт авторы, шул иҫәптән юғары уҡыу йорттары өсөн дәреслектәр ("Математик анализ"дың 2 томлыҡ курсы), ҡайһы бер әҫәрҙәре башҡа телдәргә тәржемә ителгән.
Биографияһы
1913 йылдың 9 июлендә (яңы стиль буйынса 16 июль) Тверь губернаһының Весьегонск ҡалаһында крәҫтиән ғаиләһендә тыуған.
1914 йылдан алып 1920 йылға тиклем Весьегон приютында тәрбиәләнә, унда әсәһе приютта кер йыуыусы булып эшләй. Һуңынан малай 2-се баҫҡыс Весьегон мәктәбендә уҡый, математикала һәләттәрен күрһәтә. Мәктәпте тамамлағандан һуң, Ленинградҡа эшкә китә, унда тәүҙә фабрикала эшләй, ә 1931 йылда Ленинград дәүләт университетының механика-математика факультетына уҡырға инә. 1936 йылда университетты тамамлағандан һуң, аспирантурала уҡыуын дауам итә. 1939 йылда, кандидатлыҡ диссертацияһын яҡлап, Калинин педагогия институтына (хәҙерге Тверь дәүләт университетына) эшкә ебәрелә[1].
Бөйөк Ватан һуғышы башланғас та[2], үҙ теләге менән фронтҡа китә. Артиллерия взводы командиры, батарея командиры, полк командирының хәрби часть буйынса урынбаҫары була. Бөйөк Ватан һуғышынан һуң совет-япон һуғышында ҡатнаша, унда фронттың һауа оборонаһы начальнигы була.
Һуғыштан һуң Калинин педагогия институтының математик анализ кафедраһын етәкләй. 1947 йылда «Полиномдарҙың оҡшашлыҡ рәттәре. Оргональ полиномдар» темаһына докторлыҡ диссертацияһын яҡлай. 1948 йылда Коровкинға профессор исеме бирелә. Бер ни тиклем оборона комплексы предприятиеларында эшләй һәм бер үк ваҡытта Мәскәү дәүләт университетында юғары математиканан уҡыта. 1953 йылдан — Мәскәү автоюлдар институты (хәҙерге Мәскәү дәүләт автомобиль-юл техник университеты) профессоры, юғары матем. кафедраһы мөдире, 1970—1985 йылдарҙа Калуга педагогия институтының (хәҙерге К. Э. Циолковский исемендәге Калуга дәүләт университеты) математик анализ кафедраһы мөдире.
1985 йылдың 11 авгусында Калугала вафат була.
Хәтер
- 2007 йылда МЭДИ-ның Весегонский бүлексәһенең уҡыу бинаһында П. П. Коровкинға ғалимдың барельефы менән мемориаль таҡтаташ асыла (авторы — рәссамы В. Г. Арефьев).
- 2015 йылда Калугала күренекле ғалим иҫтәлегенә Светлана Гусеваның «Весьегонскиҙан математик: документаль һәм нәфис повесть» тигән китабы донъя күрә. Китаптың презентацияһы К. Э. Циолковский исемендәге Калуга дәүләт университетында П. П. Коровкин иҫтәлегенә арналған Математиктарҙың халыҡ-ара конференцияһында үтә, унда Рәсәйҙең 23 юғары уҡыу йорто ғалимдары һәм донъяның биш иле вәкилдәре ҡатнаша.
Маҡтаулы исемдәре һәм башҡа бүләктәре
- Хәрби наградалары:
- Тыныс ваҡыттағы хеҙмәте өсөн:
- «Почет Билдәһе» ордены
- «Хеҙмәт батырлығы өсөн» миҙалы[1]
- «РСФСР-ҙың атҡаҙанған фән эшмәкәре» исеме (1981)
- «РСФСР-ҙың халыҡ мәғарифы отличнигы»
- «СССР-ҙың халыҡ мәғарифы отличнигы» билдәләре[1]
Иҫкәрмәләр
- ↑ 1,0 1,1 1,2 Коровкин Павел Петрович
- ↑ КОРОВКИН ПАВЕЛ ПЕТРОВИЧ 2021 йылдың 26 ноябрь көнөндә архивланған.
Әҙәбиәт
- Altomare, Francesco (12 September 2010), "«Korovkin-type Theorems and Approximation by Positive Linear Operators»", «Surveys in Approximation Theory» Т. 5: 92–164, <http://www.emis.de/journals/SAT/papers/13/13.pdf>
Һылтанмалар
- 16 июлдә тыуғандар
- 1913 йылда тыуғандар
- Рәсәй империяһында тыуғандар
- 11 августа вафат булғандар
- 1985 йылда вафат булғандар
- Тверь дәүләт университеты уҡытыусылары
- Санкт-Петербург дәүләт университетын тамамлаусылар
- Физика-математика фәндәре докторҙары
- 2-се дәрәжә Ватан һуғышы ордены кавалерҙары
- Ҡыҙыл Йондоҙ ордены кавалерҙары
- «Почёт Билдәһе» ордены кавалерҙары
- «Мәскәүҙе обороналаған өсөн» миҙалы менән наградланыусылар
- «1941—1945 йылдарҙағы Бөйөк Ватан һуғышында Германияны еңгән өсөн» миҙалы менән бүләкләнеүселәр
- «Японияны еңгән өсөн» миҙалы менән наградланыусылар
- «Хеҙмәт батырлығы өсөн» миҙалы менән наградланыусылар
- РСФСР-ҙың атҡаҙанған фән эшмәкәрҙәре
- Алфавит буйынса шәхестәр
- Алфавит буйынса ғалимдар
- Мәскәү дәүләт университеты уҡытыусылары
- Совет-япон һуғышында ҡатнашыусылар
- Бөйөк Ватан һуғышы артиллеристары
- СССР математиктары
- Алфавит буйынса математиктар