Советский Союз (журнал)
«Советский Союз» — СССР-ҙың ижтимағи-сәйәси иллюстрациялы ай һайын сыҡҡан журналы, 1930—1991 йылдарҙа Мәскәүҙә нәшер ителә.
Рус, инглиз[1], немец, француз, испан, ҡытай, корея, япон, ғәрәп, серб-хорват, урду, һинд, фин, румын, венгр, монгол, бенгал, вьетнам, итальян телдәрендә баҫыла. Советтар Союзында һәм сит илдәрҙә таратыла. Сит телдәргә тәржемә Мәскәүҙең Зубов бульварындағы 17-се йортта урынлашҡан «Прогресс» нәшриәтендә башҡарыла.
Журналға ҡушымта итеп «Спорт в СССР» һәм «Миша» журналдары сыға. М. Горький нигеҙ һалған журнал 1950 йылға тиклем «СССР на стройке» тип атала.
Эшмәкәрлеге
«Советский Союз» журналы СССР-ҙың эске тормошоноң ваҡиғалары һәм уның тышҡы сәйәсәте тураһында мәҡәләләр баҫтыра, улар сағыу пропаганда характерында була, Советтар Союзында йәшәүҙең өҫтөнлөктәрен күрһәтә. Журналдың рубрикалары:
• «Почта. Хаттар, фотографиялар, һүрәттәр» — уҡыусыларҙың хаттары һәм уларға редакцияның яуаптары
• «Бөтәһе тураһында» — СССР-ҙағы иғтибарға лайыҡ ваҡиғалар тураһында ҡыҫҡаса яҙмалар
• «Ҡыҙҙарға һәм малайҙарға» — балалар өсөн материалдар
• «Спорт» — совет спорты һәм спортсылары хаҡында мәҡәләләр
• Тарих биттәре — Советтар Союзы һәм Рәсәй тарихы тураһында мәҡәләләр
• «Берлектәге төҙөлөштәрҙән — берлектәге предприятиеларға» — СССР-ҙың башҡа илдәр менән хеҙмәттәшлеген яҡтыртҡан мәҡәләләр
«Совет йәшәү рәүешен, КПСС һәм Совет дәүләтенең эске һәм халыҡ-ара сәйәсәтен яҡтыртыу, халыҡтар араһында тыныслыҡ, социаль ғәҙеллек, дуҫлыҡ һәм хеҙмәттәшлек идеяларын пропагандалау буйынса ҙур эше өсөн» 1980 йылдың 7 ғинуарында журнал Ленин ордены менән бүләкләнә[2].
1992 йылда баҫма сығыуҙан туҡтай.
2000—2010 йылдарҙа Рәсәй коммунистик эшселәр партияһы шул уҡ «Советский Союз» исеме менән периодик булмаған партия журналын сығара, ул йылына бер тапҡыр донъя күрә.
Әҙәбиәт
- «Советский Союз» // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
Һылтанмалар
- Шевалье Гийом. Формирование образа СССР на страницах журнала «Советский Союз», к постановке проблемы // XX-й «круглый стол» Россия и мир глазами друг друга. Из истории взаимовосприятия.
Был мәҡәләгә Рувикиның башҡа мәҡәләләре һылтанмай. |
.svg){kind=link}