Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Яңы йыл (фильм)

Яңы йыл — 2010 йылғы америка комедия-драма фильмы. Режиссеры, сценарий авторҙашы һәм продюсерҙашы — Бретт Хейли. Фильмда төп ролде Триест Келли Данн башҡара. Ул урта мәктәптә яҡшы уҡый, колледждағы уҡыуын, тыуған ҡалаһы Пенсаколаға (Флорида штаты) ҡайтып, сирле атаһын ҡарау өсөн ташлай. Унда шулай уҡ Райан Хантер, Кевин Уитли, Линда Ли Макбрайд һәм Марк Петерсен төшә.

Фильм тәү тапҡыр 2010 йылдың 13 апрелендә Сарасотта 12-се кинофестивалдә күрһәтелә, унда ул тамашасылар һөйөүе призына лайыҡ була. Кинотеатрҙарҙа сикләнгән прокаты 2010 йылдың 30 июлендә башлана.

Ҡыҫҡаса йөкмәткеһе

Санни колледжда уҡыған ваҡытта атаһына яман шеш диагнозы ҡуйыла, һәм ул ҡайтып, уны тәрбиәләшергә ярҙам итә. Ике йыл ярымдан һуң да атаһы тере була. Санни боулингта эшләй, атаһын ҡарай. Ҡыҙҙың, йүнһеҙ булһа ла, Нил исемле яратҡан егете һәм ышаныслы, яҡшы дуҫ ҡыҙы Эми бар. Дөйөм алғанда, Санни үҙенең тормошонан ҡәнәғәт, әммә ул үҙенең мөмкинлектәрен (әлеге ваҡытта яҙыусы булараҡ хыялын) тормошҡа ашыра алмағанын аңлай. Өлкән синыфтарҙа һәр саҡ дәғүәсе тип һанаған Айзектың ҡалаға ҡунаҡҡа ҡайтыуы тураһында хәбәр алғас, Санни үҙенең бөгөнгө торғонлоғон иҫенә төшөрә. Уның Исаак менән мөнәсәбәте көтөлгәндән дә яҡшыраҡ килеп сыға. Егет билдәле кәмитсе булырға ынтыла, ә ҡыҙҙы үҙ талантына етди ҡарарға өндәй. Санни үҙендә Исаакҡа ҡарата быға тиклем булмаған хистәр уяныуын һәм шулай уҡ Нил менән киләсәге, академик һәм карьера маҡсаттары тураһында уйларға кәрәклеген аңлай[1].

Актерҙар составы

  • Триест Келли Данн — Санни
  • Райан Хантер — Айзек
  • Кевин Уитли — Нил
  • Линда Ли Макбрайд — Эми
  • Марк Петерсен — Дэниел
  • Кэрол Кан Паркер — Лора
  • Лэнс Брэннон — Глен
  • Дэвид Макэлфреш — Бобби
  • Джастин МакЭлфреш — Энди
  • Дженнифер Кей Годвин — Донна

Сығарылышы

«Яңы йыл» фильмы 2010 йылдың 13 апрелендә Сарасотала үткән кинофестивалдә күрһәтелә. Бер үк ваҡытта 2010 йылғы Лос-Анджелес кинофестиваленә рәсми һайлап алыу ҙа була[2]. Фильмды күрһәтеү 2010 йылдың 30 июленән башлап бер аҙна буйы Дамбо ҡалаһындағы reRun Gastropub кинотеатрында, Бруклин, Нью-Йоркта дауам итә[3].

Ниһайәт, GoDigital фильмды һайлап ала һәм VOD платформаларында сығара[4].

Йәмғиәттең ҡабул итеүе

Тәнҡитселәр баһаһы

«Rotten Tomatoes» сайт-агрегаторында «Яңы йыл» фильмының рейтингы 5 рецензия нигеҙендә 100 % тәшкил итә[5].

Тәнҡитселәр фильмды ыңғай баһалай, улар Бретт Хейлиҙың режиссураһын һәм Триест Келли Данндың уйынын юғары баһалай. «Лос-Анджелес Таймс» гәзитенән Марк Олсен билдәләүенсә, «Данн фильмда ғаилә һәм үҙе алдындағы яуаплылыҡ араһындағы көсөргәнешлекте һүрәтләй»[6]. «Нью-Йорк Таймс» гәзитенән Энди Вебстер «Данн персонаждың тойғолар көрәшен һүҙһеҙ еткерә ала» тип яҙа[7]. The Wall Street Journal журналынан Стив Доллар белдереүенсә, Данн «Бруклин режиссеры Бретт Хейлиҙың эмоциональ конфликтты көсәргәнешле сағылдырыуҙа дебюты»[8].

Наградалар һәм номинациялар

Йыл Фестиваль Категория Бүләкләнеүсе Һөҙөмтә
2010 Сарасота кинофестивале Тулы метражлы иң яҡшы фильм өсөн тамашасылар һөйөүе призы Бретт Хейли Еңеүсе
Лос-Анджелес кинофестивале Тулы метражлы иң яҡшы фильм өсөн премия Номинация

Иҫкәрмәләр

  1. ↑ The New Year (2010) | Synopsis by Mark Deming. AllMovie. Мөрәжәғәт итеү датаһы: 7 август 2021.
  2. ↑ Everleth, Mike 2010 Los Angeles Film Festival: Official Film List. Underground Film Journal (17 май 2010). Мөрәжәғәт итеү датаһы: 7 август 2021.
  3. ↑ Tully, Michael NEW YEAR, THE. Hammer to Nail (30 июль 2010). Мөрәжәғәт итеү датаһы: 7 август 2021.
  4. ↑ Erbland, Kate Brett Haley's Indie Gem 'The New Year' Finally Gets Distribution. Film School Rejects. Мөрәжәғәт итеү датаһы: 7 август 2021.
  5. ↑ The New Year. Rotten Tomatoes. Мөрәжәғәт итеү датаһы: 30 июль 2021.
  6. ↑ Olsen, Mark Los Angeles Film Festival: Double exposure for Trieste Kelly Dunn. The New York Times (18 июнь 2010). Мөрәжәғәт итеү датаһы: 7 август 2021.
  7. ↑ Webster, Andy Serious Adulthood Waiting to Happen. The New York Times (29 июль 2010). Мөрәжәғәт итеү датаһы: 30 июль 2021.
  8. ↑ Dollar, Steve At War With Zombies, Boredom and Ken Russell. The Wall Street Journal (29 июль 2010). Мөрәжәғәт итеү датаһы: 30 июль 2021.

Категориялар