Рус телендәге версияМахсус проекттар
Күренеште көйләргәТелде алмаштырырғаМәғлүмәт
РУВИКИ ТУРАҺЫНДА

Аҙнабаева Лилиә Фәрит ҡыҙы

РУВИКИ интернет-энциклопедияһында Аҙнабаев фамилиялы башҡа кешеләр тураһында мәҡәләләр бар.

Лилиә Фәрит ҡыҙы Аҙнабаева (рус. Лилия Фаритовна Азнабаева; 5 апрель 1963 йыл) — совет һәм Рәсәйғалим-иммунолог, юғары мәктәп уҡытыусыһы. Медицина фәндәре докторы (2003), профессор (2012). Башҡортостан Республикаһының атҡаҙанған табибы (2012)[1].

Биографияһы

Л. Ф. Аҙнабаева 1963 йылдың 5 апрелендә Өфө ҡалаһында тыуған. 1986 йылда Башҡорт дәүләт медицина институтының санитария-гигиена факультетын тамамлай.

1986 йылдан Ғ. Ғ. Ҡыуатов исемендәге Республика клиник дауаханаһыында эшләй. Дауахананың иммунология лабораторияһы мөдире вазифаһын биләй[2].

1996 йылдан Башҡорт дәүләт медицина университетында уҡыта. Оториноларингология кафедраһы профессоры. 1996 йылда медицина фәндәре кандидаты, 2003 йылда медицина фәндәре докторы дәрәжәһе раҫлана. 2012 йылда иммунология кафедраһы буйынса профессор ғилми исеме бирелә[1]. 2008 йылда Рәсәй Тәбиғәт белеме академияһы (Российская академия естествознания) академигы итеп һайлана[1].

Ғилми эшмәкәрлеге

Тикшеренеүҙәре өҫкө тын алыу юлдарының ҡабатланып торған ауырыуҙары иммунопатогенезына, цитокиндарҙың көйләү роленә, урындағы иммунитетҡа һәм герпесвирус инфекцияһына арналған[1]. Онкогематология өлкәһендә киҫкен лейкоз менән ауырыусыларҙа инфекцион өҙлөгөүҙәрҙең клиник һәм лаборатория критерийҙарын өйрәнеүҙә ҡатнаша[3].

2026 йылда Р. М. Пестова һәм Е. Е. Савельева менән берлектә ҡабатланып торған полипоз риносинуситта интерлейкин-4 һәм интерлейкин-13 ҡатнашлығындағы ялҡынһыныу үҙенсәлектәренә арналған тикшеренеү баҫтыра[4].

Ғилми хеҙмәттәре

  • Кильсенбаева Ф. А., Азнабаева Л. Ф., Арефьева Н. А. Иммунологические исследования в ринологии. — Уфа: Здравоохранение Башкортостана, 2005. — 88 с.
  • Оториноларингология: национальное руководство / под ред. В. Т. Пальчуна. — М.: ГЭОТАР-Медиа, 2008. — 960 с. (Н. А. Арефьева менән берлектә 3-сө һәм 7-се бүлектәр авторы).
  • Азнабаева Л. Ф., Арефьева Н. А., Рязанцев С. В., Симбирцев А. С. Иммунотерапия беталейкином в комплексном лечении больных гнойным риносинуситом с затяжным и хроническим течением: методические рекомендации / под ред. Ю. К. Янова. — Санкт-Петербург, 2008. — 22 с.
  • Плотникова С. В., Сафуанова Г. Ш., Азнабаева Л. Ф., Рябчикова Н. Р. Клинико-лабораторные критерии инфекционных осложнений у первичных больных острым лейкозом // Клиническая лабораторная диагностика. — 2017. — Т. 62, № 6. — С. 342—346.
  • Пестова Р. М., Азнабаева Л. Ф., Савельева Е. Е. Обоснование персонализированного подхода в терапии пациентов с рецидивирующим полипозным риносинуситом на основании изучения особенностей цитокининдуцированного Th2-воспаления (интерлейкин-4, интерлейкин-13) // Вестник оториноларингологии. — 2026. — Т. 91, № 2. — С. 43—49. — DOI: 10.17116/otorino20269102143[4].

Маҡтаулы исемдәре һәм башҡа наградалары

  • Рәсәй Федерацияһы Һаулыҡ һаҡлау министрлығының Почёт грамотаһы (2008).
  • Ватан фәнен үҫтереүҙәге уңыштары өсөн В. И. Вернадский исемендәге миҙал (2008).
  • Башҡортостан Республикаһы Һаулыҡ һаҡлау министрлығының Почёт грамотаһы (2010).
  • Башҡортостан Республикаһының атҡаҙанған табибы (2012)[1].

Иҫкәрмәләр

  1. ↑ 1 2 3 4 5 Азнабаева Лилия Фаритовна. Башкирский государственный медицинский университет. Мөрәжәғәт итеү датаһы: 8 октябрь 2026.
  2. ↑ Педагогический состав. Башкирский государственный медицинский университет. Мөрәжәғәт итеү датаһы: 8 октябрь 2026.
  3. ↑ Отчет об итогах научной деятельности за 2017 год. Кафедра оториноларингологии с курсом ИДПО. Башкирский государственный медицинский университет. Мөрәжәғәт итеү датаһы: 8 октябрь 2026.
  4. ↑ 1 2 Пестова Р. М., Азнабаева Л. Ф., Савельева Е. Е. (2026). «Обоснование персонализированного подхода в терапии пациентов с рецидивирующим полипозным риносинуситом на основании изучения особенностей цитокининдуцированного Th2-воспаления (интерлейкин-4, интерлейкин-13)». Вестник оториноларингологии 91 (2): 43—49. DOI:DOI:10.17116/otorino20269102143.

Һылтанмалар

Категориялар