А. Пушкин исемендәге Евпатория театры
| А. Пушкин исемендәге Евпатория театры | |
| Административ-территориаль берәмек | Евпатория[d] |
|---|---|
| Дәүләт | |
| Һыйым | 1000 |
| Нигеҙләү датаһы | 20 апрель 1910 |
| Архитектура стиле | модерн[d] |
| Мираҫ статусы | Памятник архитектуры национального значения Украины[d] и объект культурного наследия России федерального значения[d] |
| Хөрмәтенә аталған | Пушкин Александр Сергеевич |
 | |
| Рәсми асылған ваҡыты | 20 апрель 1910[1] |
| Урамда урынлашҡан | Театральная площадь[d] (1) |
 | |
 Медиафайлы на РУВИКИ.Медиа | |
А. C. Пу́шкин исемендәге Евпатория театры — ҡала театры, Евпаторияла 1910 йылда ҡала архитекторы Адам Генрих һәм ирекле архитектор Павел Сеферов проекты буйынса төҙөлгән.
Театр тарихы
Театр 1910 йылдың 20 апрелендә асыла[2]. Театр сәхнәһендә беренсе булып Михаил Глинканың «Иван Сусанин» операһы ҡуйыла. Спектаклдә Петербургтан махсус саҡырылған Мария театры артистары уйнай[3].
1937 йылға тиклем ҡала театры исемен йөрөтә, ә Александр Пушкиндың вафат булыуының йөҙ йыллығы көнөндә шағир хөрмәтенә исеме үҙгәртелә[2]. Театр бер нисә йыл элек яңынан тергеҙелә. Тамаша залында урындар һаны партер урындарын арттырыу һәм ложаларҙы кәметеү иҫәбенә 900 урынға тиклем киңәйтелә, ҡыйыҡ ремонтлана, әммә шул уҡ ваҡытта бинаның фасады үҙгәрешһеҙ ҡала тиерлек.
Төрлө ваҡыттарҙа театрҙа Евгений Вахтангов, Мария Савина, Константин Станиславский, Леонид Собинов, шулай уҡ Антонина Нежданова, Фёдор Шаляпин һәм Александр Вертинский сығыш яһай.
Архитектураһы
Театр бинаһын төҙөү һәм проектын эшләү өсөн урындағы архитекторҙар Адам Генрих һәм Павел Сефёров эшкә саҡырылалар. Граждан инженеры А. Л. Генрих (моғайын, Петербург граждандар инженеры институтын тамамлаған) шул ваҡытта бик популяр стиль «модерн» яҡлы була, ә Мәскәү һынлы сәнғәт, һәйкәл ҡойоу һәм архитектура училищеһының архитектура бүлеген тамамлаған П. Я. Сеферов урыҫ классицизмы традицияларын дауам иткән академик мәктәп вәкиле була. Шуға ҡарамаҫтан, архитекторҙар тәбиғи рәүештә бер-береһен тулыландырыуға өлгәшәләр, һөҙөмтәлә бина нәфислеге буйынса Одессалағы театр менән сағыштырыла. Башта театрҙа ложалар һәм 750 тамашасы урыны йыһазландырыла. Ремонттан һуң тамаша залы 900 урынға тиклем киңәйтелә.
Ҡала театры Евпаторияның иң маиур биҙәге булып тора. Театр яңы ҡалала урынлашҡан, Одесса театрынан ҡала Рәсәйҙең көньяғында иң матур театрҙарҙың береһе булып тора. Ул яңыртылған грек стилендә төҙөлгән һәм бик һәйбәт тәьҫир ҡалдыра. Театрҙың эске өлөшө шулай уҡ матур, 750 урынға иҫәпләнгән. Террасаларынан диңгеҙгә матур күренеш асыла. Бөтә ҡулайламалары булған ҙур сәхнә бөтә йыһазландырылмалы пьесаларҙы, хатта феерияларҙы ҡуйырға мөмкинлек бирә.— 1914 йылғы Евпатория белешмәһе [3]
Театр тирәләй Дуванов скверы ҡоролған.
Иҫкәрмәләр
- ↑ European Theatre Architecture (ингл.) — Arts and Theatre Institute.
- ↑ 2,0 2,1 Газета «В городе», 8 октября театр имени Пушкина в Евпатории отметит 100-летний юбилей, 5 октября 2010
- ↑ 3,0 3,1 История Евпатории от Керкинитиды до наших дней, Городской театр Евпатории Архивная копия от 20 сентябрь 2011 на Wayback Machine