Буксгевден Отто Оттович

Гражданлығы	Рәсәй империяһы;
Титул	барон[d]
Нәҫеле	Буксгевдены[d]
Һөнәр төрө	меценат, хоҡуҡ белгесе, тайный советник
Атаһы	Отто Магнус Буксгевден[d]
Вафат булған көнө	12 (25) июнь 1907 (67 йәш) или 8 июнь 1907 (67 йәш)
Уҡыу йорто	Император хоҡуҡ белеме училищеһы;
Әсәһе	Жанетта Вильгельмина фон Гойнинген-Гюне[d]
Заты	ир-ат
Вафат булған урыны	Санкт-Петербург, Рәсәй империяһы;
Ерләнгән урыны	Смоленское лютеранское кладбище[d];
Тыуған көнө	5 декабрь 1839
Үлем төрө	һомицид[d]
Маҡтаулы исемдәре һәм башҡа бүләктәре
Тыуған урыны	Курессааре, Лифлянд губернаһы, Рәсәй империяһы;

Барон Отто Оттович (Отто Бальтазар) Буксгевден (1839—1907) — хоҡуҡ белгесе; тайный советник.

Биографияһы

Буксгевден Отто Оттович 1839 йылдың 5 декабрендә Моон утрауында I округтың приход судьяһы Отто Матиас һәм уның ҡатыны Жанетта Вильгельмина^[3] ғаиләһендә тыуған.

1861 йылда Санкт-Петербургтағы Император хоҡуҡ белеме училищеһын тамамлай, һәм артабан Лейпциг ҡалаһында уҡый^[4]. Хәрби-диңгеҙ прокуроры ярҙамсыһы булып хеҙмәт итә.

1881 йылда Андреевск приход попечительдәр советы уны, Иоанн Кронштадтский нигеҙләгән, Кронштадт егәрлелек йортон ойоштороуға йүнәлтелгән иғәнә йыйыу комиссияһының рәйесе итеп һайлайҙар. 1886 йылда Буксгевден лютеран сауҙәгәрҙәренең аҡсаларына Санкт-Петербургта Оло Сампсониевск урамының 97-се һанлы йортында Инжил егәрлелек йортона нигеҙ һала. Һәм Ярлы һәм ауырыу балаларҙы бағыу йәмғиәте янында крәҫтиән ғаиләләрендә балаларҙы урынлаштырыу буйынса комитет ойоштора. Был комитет үҙенең эшмәкәрлеген 1891 йылда башлай, һәм уның булышлығында 1892 йылда — 20, ә 1893 йылда 38 бала урынлаштырыла. Айырым йылдарҙа колонияларҙа — Батша Ауылы эргәһендәге Мәскәү Славянкаһында, Павловск янындаға Фёдоровскта һәм Петергоф өйәҙенең Кипен немец колонияһында урынлаштырылған балаларҙың һаны 60-ҡа барып еткән.

Барона Буксгевден ҡатнашлығында 1892 йылдың 23 декабрендә Санкт-Петербургта Фурштат урамы 20-се һанлы йортта «Ҡырмыҫҡа» («Муравей») йәмғиәте ойошторола. Был йәмғиәт 1891 йылдың 5 декабрендә нигеҙләнгән «Societe des fourmis» француз ойошмаһы миҫалы буйынса эшләгән.

1896 йылда ул Германияның унлаған егәрлелек йорттарының эшмәкәрлеге менән таныша, ә 1901 йылда Дрезден ҡалаһының тәрбиә-холоҡ төҙәтеү йортона бара.

1896 йылда Буксгевден Оло Охталағы егәрлелек йортоноң^[5], 1897 йылда — Галера Гаванендағы үҫмер-балалар өсөн егәрлелек йортоноң^[6], ә 1898 йылда Сена майҙаны һәм Фонтанка балалары өсөн балалар приютының ойоштороусыһы булған.

1897 һәм 1899 йылдарҙа Отто Буксгевден ике бөтөнләй яңы типтағы егәрлелек йорттарына нигеҙ һала: Белемле ҡатын-ҡыҙҙар өсөн егәрлелек йорто (Санкт-Петербург ҡалаһы Знаменский, хәҙерге — Ихтилал урамы, 28)^[7] һәм Белемле ир-егеттәр өсөн егәрлелек йорто (Санкт-Петербург ҡалаһы Надеждинский, хәҙерге — Маяковский урамы, 17)^[8].

1901 йылда ул Италияның холоҡ төҙәтеү йорттары менән, шул иҫәптән Генуя карап-мәктәбе менән таныша. 1902 йылда Буксгевден Түбәнге Новгород ҡалаһында төрлө һөнәргә уҡытыуға мөмкинлек биргән махсус балалар приютын асырға тәҡдим иткән^[9]. 1903 йылда карап-мәктәп ойоштороу һәм уларға иғәнә йыйыу маҡсатында Рәсәй империяһының порттары булған ҡалалары буйлап йөрөй. Һөҙөмтәлә Отто Буксгевден йыйған аҡсаларына Таганрог ҡалаһында балалар карап-приюты ойошторола, ә 1911 йылдың 14 ноябрендә Кронштадта Изге Стефан приют-карабы асыла.

1907 йылдың 8 июнендә уны үҙенең психик ауырыу улы Эдгар үлтерелгән. Уның 380 данаһы булған китапханаһы Санкт-Петербург университетына тапшырыла^[10].

Иҫкәрмәләр

↑ Петербургский некрополь (урыҫ) / под ред. В. И. Саитов — Михаил Матвеевич Стасюлевич, 1912.
↑ ¹ ² Otto Balthasar Baron von Buxhoeveden // BBLD - Baltisches biografisches Lexikon digital (нем.) — 2012.
↑ Ҡыҙ фамилияһы — фон Гюне.
↑ Список бывшим воспитанникам…
↑ Санкт-Петербург ҡалаһы Оло Охта проспектының 52-се һанлы йортта урынлашҡан.
↑ 1899 йылдан алып Санкт-Петербург ҡалаһы Васильевский утрауының 13-сө һыҙығындағы 8-се һанлы йортта урынлашҡан.
↑ Дом трудолюбия для образованных женщин
↑ «Энциклопедия благотворительности».
↑ Назарьевский приют 2015 йылдың 25 июль көнөндә архивланған.
↑ Николаев Н. И. Список важнейших книжных коллекций… 2015 йылдың 2 ғинуар көнөндә архивланған.

Әҙәбиәт

Гринштейн О. М.Европейские традиции в Петербургской благотворительной деятельности барона О. О. Буксгевдена

Һылтанмалар

Энциклопедия благотворительности. Санкт-Петербург

[_6c65505562ca62a7-1] Петербургский некрополь (урыҫ) / под ред. В. И. Саитов — Михаил Матвеевич Стасюлевич, 1912.

[_ee6ecacad2c69d76-2] ¹ ² Otto Balthasar Baron von Buxhoeveden // BBLD - Baltisches biografisches Lexikon digital (нем.) — 2012.

[3] Ҡыҙ фамилияһы — фон Гюне.

[4] Список бывшим воспитанникам…

[5] Санкт-Петербург ҡалаһы Оло Охта проспектының 52-се һанлы йортта урынлашҡан.

[6] 1899 йылдан алып Санкт-Петербург ҡалаһы Васильевский утрауының 13-сө һыҙығындағы 8-се һанлы йортта урынлашҡан.

[7] Дом трудолюбия для образованных женщин

[8] «Энциклопедия благотворительности».

[9] Назарьевский приют 2015 йылдың 25 июль көнөндә архивланған.

[10] Николаев Н. И. Список важнейших книжных коллекций… 2015 йылдың 2 ғинуар көнөндә архивланған.

[1]

[2]

[3]

[4]

[5]

[6]

[7]

[8]

[9]

[10]