Дәрт (скульптура)
Дәрт (рус. Страсть) — 1917 йылда Степан Дмитриевич Эрьзя тарафынан ижад ителгән скульптура. Әҫәр тимер-бетондан әүәләү һәм ҡойоу техникалары ҡулланып эшләнгән. Скульптура ню жанрына ҡарай. Объекттың номенклатура атамаһы: Страсть[1].
Тасуирламаһы
Бейек ауыш түшәктә яланғас ҡатын-ҡыҙ һүрәтләнгән. Фигура реалистик деталдәрҙә бирелгән. Башы артҡа ташланған һәм һулға боролған. Терһәгендә бөгөлгән уң ҡулының өҫкө яғы менән ул урталай ярылған оҙон тулҡынлы сәстәрен тотоп тора. Һул ҡулы уң түшендә урынлашҡан. Һул аяғы һуҙылған, уңы тубығында бөгөлгән һәм түшәк артына ташланған. Күҙҙәре йәшел быяла менән биҙәлгән (инкрустацияланған). Һындың үлсәме — 70×163×63 см.
Материалдар һәм техника
Скульптура тимер-бетондан эшләнгән. Эштә әүәләү һәм ҡойоу техникалары ҡулланылған. Әүәләү скульпторға тиренең һәм сәстәрҙең текстураһын теүәл бирергә мөмкинлек бирә. Ҡойоу техникаһы әҫәрҙең ныҡлығын һәм оҙаҡ һаҡланыуын тәьмин итә.
Һаҡланған урыны
Экспонат Саранск ҡалаһындағы С. Д. Эрьзя исемендәге Мордва республика һынлы сәнғәт музейында һаҡлана. Музейға 1958 йылда нигеҙ һалынған һәм унда скульптор Степан Эрьзяның бай коллекцияһы һаҡлана.
Тема буйынса өҫтәмә
Эрьзя Степан Дмитриевич | |
|---|---|
| |
