Зәйнуллин Рәшит Рәил улы

Рәшит Рәил улы Зәйнуллин 1983 йылдың 27 сентябрендә Башҡорт АССР-ының Бөрйән районы Иҫке Собханғол ауылында тыуа. Тыуған ауылында 8-се синыфты тамамлағас, бер ни тиклем Рәми Ғарипов исемендәге 1-се Башҡорт республика гимназия-интернатында уҡып ала, әммә ғаилә хәлдәре буйынса кире ҡайта. 2006 йылда Башҡорт дәүләт университетының башҡорт филологияһы һәм журналистика факультетын тамамлай.

Хеҙмәт юлын шул уҡ йылда «Аҙна» гәзитенең хәбәрсеһе булып башлай. 2008 йылға тиклем ошо баҫмала эшләй, баш мөхәррир урынбаҫары вазифаһына тиклем үрләй. Һуңынан «Башҡортостан» гәзитенә хәбәрсе булып күсә (2008). 2014 йылдан — «Шоңҡар» журналында өлкән мөхәррир^[2]. Башҡортостан Яҙыусылар союзы рәйесе урынбаҫары вазифаһын башҡара.

«Башредактор» онлайн-нәшриәте ойоштороусыһы һәм еткәсеһе.

Әҫәрҙәре республика матбуғатында донъя күреп тора. 2012 йылда «Хыял иле» тип аталған тәүге шиғырҙар йыйынтығы донъя күрә^[2]. 2023 йылда З. Биишева исемендәге «Китап» нәшриәтендә «Ҡояш күрәм» китабы баҫылып сыға^[3].

• Башҡортостан Республикаһы Йәштәр һәм спорт министрлығының Почёт грамотаһы.
• Журналистарҙың «Миләт-ара татыулыҡ — Башҡортостандың сәскә атыуына юл» ижади конкурсы еңеүсеһе (2009)^[2].
• Башҡортостан Республикаһының атҡаҙанған мәҙәниәт хеҙмәткәре (2022).