Кәлимуллина Ғәлиә Миҙхәт ҡыҙы

Ғәлиә Миҙхәт ҡыҙы Кәлимуллина 1964 йылдың 8 июнендә Башҡорт АССР-ының Ишембай районы Иҫәкәй ауылында күп балалы ғаиләлә тыуа. Иҫәкәй һигеҙ йыллыҡ мәктәбенән һуң, Маҡар ауылы урта мәктәбендә уҡый. Юғары белемде Башҡорт дәүләт университетында ала (1987)^[1].

Хеҙмәт эшмәкәрлеген дипломлы белгес Маҡар урта мәктәбендә башҡорт теле һәм әҙәбиәте уҡытыусыһы булып башлай. Төрлө йылдарҙа Ишембай мәғариф бүлегендә туған телдәр уҡытыу белгесе, Ә. Вәлиди исемендәге 2-се Башҡорт гимназия-интернатында фәнни-методик эштәр буйынса директор урынбаҫары булып эшләй^[2][3].

Башҡорт шиғриәтенә «Серҙәрем күп» тип исемләнгән китап менән килеп инә^[4]. Хәҙер инде ул Рәсәй һәм Башҡортостан Яҙыусылар союзы ағзаһы, биш китап авторы^[3].

Ике бала әсәһе.

• Башҡортостан Республикаһының атҡаҙанған уҡытыусыһы.
• Тамара Ғәниева исемендәге премия лауреаты.
• «Йөрәк һүҙе» конкурсы лауреаты (2019).
• «Илһам шишмәләре» конкурсы лауреаты^[3].