Мерида (ҡала, Венесуэла)

Мерида (исп. Mérida), рәсми исеме Сантьяго де лос Кабальерос де Мерида, исп. Santiago de los Caballeros de Mérida — Венесуэлалағы ҡала, Мерида штатының һәм Либертадор муниципалитетының баш ҡалаһы. Венесуэлалағы Андтарҙағы иң мөһим ҡалаларҙан береһе. Ҡалаға (Яңы Гранада Вицекороллеге составында) 1558 йылда нигеҙ һалынған, ул Бойондороҡһоҙлоҡ һуғышы ваҡытында бик мөһим булған.

Хәҙер Меридала яҡынса 200 мең кеше, агломерацияла яҡынса 350 000 кеше йәшәй. Ҡала — көнбайыш Венесуэлалағы мөһим иҡтисади һәм мәҙәни үҙәк. Ҡалала Андтар университеты урынлашҡан.