Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Вафин Мөнир Мәхмүт улы

Мөнир Мәхмүт улы Вафин (рус. Мунир Махмутович Вафин; 1961 йылдың 16 ғинуары, Мәтәүбаш, Бәләбәй районы) — совет һәм Рәсәй журналисы, сатирик яҙыусы, шағир. Башҡортостан Республикаһы Яҙыусылар союзы ағзаһы (2005 йылдан). Башҡортостан Республикаһының атҡаҙанған мәҙәниәт хеҙмәткәре (2015)[1].

Биографияһы

1961 йылдың 16 ғинуарында Башҡортостандың Бәләбәй районы Мәтәүбаш ауылында тыуған. Мәтәүбаш урта дөйөм белем биреү мәктәбен тамамлай[2].

1982 йылдан 1984 йылға тиклем Совет Армияһы сафында хәрби хеҙмәт үтә. Армияла хеҙмәт иткән ваҡытта мөхәррирлек эше менән шөғөлләнә, «Боевой листок» сығара[3].

1985—1990 йылдарҙа Башҡорт дәүләт университетының филология факультетында (татар-рус бүлеге) белем ала. Студент йылдарында «Аҡсарлаҡтар» әҙәби-ижад түңәрәгендә ижад итә, һуңыраҡ уны етәкләй[4].

Хеҙмәт эшмәкәрлеге һәм ижады

Университеттан һуң журналистика өлкәһендә эшләй. Татар телендәге «Өмет» республика йәштәр баҫмаһын булдырыу инициаторҙарының береһе була. Гәзит редакцияһында үҙ хәбәрсе булып эшләй, шулай уҡ яуаплы сәркәтип урынбаҫары һәм яуаплы сәркәтип вазифаларын башҡара[3].

Һуңыраҡ «Тулпар» республика әҙәби-нәфис журналына яуаплы сәркәтип вазифаһына күсә. Хәҙерге ваҡытта ул әлеге журналдың шиғриәт, сәнғәт, сатира һәм юмор бүлеге мөхәррире булып тора[3][5].

Әҙәби мөхиттә сатирик миниатюралар, пародиялар, юмористик шиғырҙар һәм балалар өсөн әҫәрҙәр авторы булараҡ билдәле. Шиғри текстарҙы ул мәктәп йылдарында уҡ яҙа башлай[3].

Уның «Һүҙ сәстем» тигән тәүге йыйынтығы 2001 йылда Зәйнәб Биишева исемендәге Өфө «Китап» нәшриәтендә баҫылып сыға. 2004 йылда Ҡазанда Татарстан китап нәшриәте уның икенсе китабын — «Тормыш тәгәрмәче» («Тормош тәгәрмәсе») шиғырҙар йыйынтығын баҫтыраа[1].

Яҙыусының библиографияһына шулай уҡ «Йөрәгем киҫәктәре» (2007) һәм «Тынлыҡ моңо» (2011) шиғри китаптары инә. 2011 йылда Ҡазанда «Мактанчык Гата» («Маҡтансыҡ Ғата») исемле балалар шиғырҙары китабы баҫылып сыға[1]. Яҙыусы республиканың мәҙәни ваҡиғаларында ҡатнаша, әҙәби оҫталыҡ дәрестәрендә һәм ижад лабораторияларында сығыш яһай[6].

Китаптары

  • Һүҙҙәр сәстем: Шиғырҙар. — Өфө, Китап, 2001. — бит.
  • Донъя — ҡуласа: Шиғырҙар. — Ҡазан, Татарстан китап нәшриәте, 2004. — бит. (тат.)
  • Йөрәгем киҫәктәре: Шиғырҙар. — Өфө, Китап, 2007. — бит.
  • Маҡтансыҡ Ғата: Балалар өсөн шиғырҙар. — Ҡазан, Татарстан китап нәшриәте, 2011 — бит. (тат.)
  • Тынлыҡ моңо: Шиғырҙар. — Өфө, Китап, 2011. — 152 бит. (тат.)

Маҡтаулы исемдәре һәм башҡа наградалары

  • «Бәләбәй хәбәрләре» гәзитенең Динис Бүләков исемендәге әҙәби премияһы (2011) — «Йөрәгем киҫәктәре» шиғырҙар китабы өсөн[7];
  • Башҡортостан Республикаһының атҡаҙанған мәҙәниәт хеҙмәткәре (2015)[5];
  • Башҡортостан Республикаһының атҡаҙанған матбуғат һәм киң мәғлүмәт хеҙмәткәре[4];
  • А. С. Пушкин миҙалы (Рәсәй һүҙ сәнғәте академияһы; 2024)[8][9].

Иҫкәрмәләр

  1. ↑ 1 2 3 Мунир Вафин. Биография. Новости Уфы, главные новости Башкортостана / Bash-Portal.Ru (21 февраль 2020). Мөрәжәғәт итеү датаһы: 6 август 2026.
  2. ↑ Вафин Мунир Махмутович. Центральная библиотека Белебеевского района. Мөрәжәғәт итеү датаһы: 6 август 2026.
  3. ↑ 1 2 3 4 Сегодня отмечает юбилейную дату редактор отдела поэзии, сатиры и юмора журнала «Тулпар» Мунир Вафин. Союз журналистов Республики Башкортостан (16 ғинуар 2021). Мөрәжәғәт итеү датаһы: 6 август 2026.
  4. ↑ 1 2 Вафин Мунир Махмутович (1961). Литературная карта Республики Башкортостан. Мөрәжәғәт итеү датаһы: 6 август 2026.
  5. ↑ 1 2 Вафин Мунир. Журнальный мир. Мөрәжәғәт итеү датаһы: 6 август 2026.
  6. ↑ Завершила работу лаборатория творческого мастерства «Җанлы сүз» («Живое слово»). Уфимский университет науки и технологий (12 февраль 2024). Мөрәжәғәт итеү датаһы: 6 август 2026.
  7. ↑ Премия имени Диниса Булякова (1997). Литературная карта Республики Башкортостан. Мөрәжәғәт итеү датаһы: 6 август 2026.
  8. ↑ Писатели Башкортостана на ярмарке «Китап-байрам» получили награды. Башинформ (27 май 2024). Мөрәжәғәт итеү датаһы: 6 август 2026.
  9. ↑ Союзу писателей Башкортостана – 90. Литературная газета (29 май 2024). Мөрәжәғәт итеү датаһы: 6 август 2026.

Әҙәбиәт

  • Писатели земли башкирской / сост. Р. Н. Баимов, Г. Н. Гареева, Р. Х. Тимергалина. — Уфа: Китап, 2006..

Сығанаҡтар

Категориялар