Сиань мәсете

Сиань мәсете (ҡыт. Сиань цинчжэнь дасы, 西安清真大寺) — Эске Ҡытайҙың беренсе мәсете. Император Сюаньцзун (Тан династияһынан) ваҡытында Чанъань, (хәҙерге Сиань) ҡалаһында килмешәк ғәрәптәр төҙөгән мәсет.

Ҡайһы бер фараздар буйынса, мәсет бинаһы XIV быуатта билдәле диңгеҙсе Чжэн Хэ аҡсаһына төҙөлгән. Һуңынан бер нисә мәртәбә яңыртылған. Хәҙерге ваҡытта мәсет 12000 кв.м. майҙан биләй. Ислам архитектураһының ҡытай архитектураһы менән ҡатнашлығы— мәсеттең ҡабатланмаҫ үҙенсәлеге.