Туғаҙаҡ (плакетка)
Туғаҙаҡ (рус. Дрофа) — скульптор Александр Белашов тарафынан 1975 йылда эшләнгән рельефлы дүртмөйөшлө керамик плакетка. Объекттың номенклатура атамаһы: Дрофа[1].
Тасуирламаһы
Плакетка 58×50×20 см ҙурлыҡтағы дүртмөйөшлө керамик панель рәүешендә эшләнгән. Унда төп геометрик форманың сиктәренән сығып торған туғаҙаҡ башы рельефы һүрәтләнгән. Ҡош ҡырын һүрәтләнгән, уның кәүҙәһе һулға, ә башы уңға боролған. Оҙон аяҡтары араһында себеше күренә, уның башы оло ҡоштоҡо кеүек үк йүнәлтелгән. Биҙәге өс төҫтә башҡарылған: аҡһыл шәмәхә (ҡош ҡауырһыны, үлән һәм сәскәләрҙең шартлы-орнаменталь деталдәре), ҡарағусҡыл охра (ҡош ҡанаттары, себеш ҡауырһыны) һәм аҡ (түш ҡауырһыны һәм фон); объекттарҙың штрихтары һәм контурҙары ҡара төҫ менән яһалған.
Материалдар һәм техника
Плакетка глазурь ҡулланып керамиканан эшләнгән. Әүәләү һәм глазурь аҫтына биҙәк һалыу техникаһы ҡулланылған. Глазурь сағыу төҫтәр акцентын булдырырға мөмкинлек бирә, ә глазурь аҫтына биҙәк һалыу техникаһы штрихтарҙы һәм контурҙарҙы ентекле эшкәртеүҙе тәьмин итә.
Һаҡланған урыны
Экспонат Калининград өлкә һынлы сәнғәт музейында һаҡлана. 1988 йылда асылған музейҙың фондында 16 меңдән ашыу һынлы сәнғәт, графика, скульптура һәм биҙәү-ҡулланма сәнғәте әҫәрҙәре бар. Музей коллекцияһында XX быуаттың икенсе яртыһындағы ватан һәм сит ил рәссамдарының эштәре күрһәтелгән.
Тема буйынса өҫтәмә
Александр Михайлович Белашов | |
|---|---|
| |
