Ушанов Тәфтизан Сабирйән улы

Тәфтизан Сабирйән улы Ушанов 1937 йылдың 19 декабрендә хәҙерге Башҡортостан Республикаһы Әбйәлил районының Хәлил ауыл советы Шаҙығай^[1] ауылында тыуған. Бала-сағы Баймаҡ районы 2-се Этҡол ауылында үтә, ете йыллыҡ мәктәпте тамамлай. 1952—1958 йылдарҙа Темәс педагогия училищеһында уҡый. Уҡыу йылдарында уҡ шиғырҙар, хикәйәләр яҙа. Шуға күрә райком йәш, әүҙем белгесте район гәзитенә эшкә йүнәлтә. 1956 йылдан (өҙөклөк менән) «Баймакский вестник» гәзите тәржемәсеһе, 1965 йылдан — яуаплы секретарь; 1995—2003 йылдарҙа «Һаҡмар» гәзитенең мөхәррир урынбаҫары. Гәзит эшенә 47 йыл ғүмерен биреп, хаҡлы ялға 2003 йылда сыға^[2].

Төп эше менән бергә йәмәғәт эштәрен уңышлы алып бара. Оҙайлы йылдар мәҙәниәт хеҙмәткәрҙәренең райком профсоюзы менән етәкселек итә. Хаҡлы ялға сыҡҡас та, йәмәғәт эшендә әүҙем ҡатнаша. Юлай Мәҡсүтов исемендәге премияны тапшырыу комиссияһының, «Атайсал» клубының ағзаһы, райондың арҙаҡлы шәхестәре тураһында йөкмәткеле мәҡәләләр авторы ла була^[2].

• Башҡорт АССР-ының атҡаҙанған мәҙәниәт хеҙмәткәре (1986);
• Сәғит Мифтахов исемендәге премия лауреаты (1978);
• Батыр Вәлид исемендәге премия лауреаты (1987).
• Матбуғат, партия, профсоюз ойошмаһының күп һанлы Почёт грамоталарына лайыҡ була

Ҡатыны, республиканың атҡаҙанған мәҙәниәт хеҙмәткәре Гөлшат Ғилман ҡыҙы менән 4 бала тәрбиәләп үҫтерәләр.