Ын (кирил хәрефе)
Ꙟ, ꙟ (ын, ыня) — киңәйтелгән кирил әлифбаһына ҡараған хәреф. Убых телендә һәм румын теленең кирил әлифбаһында ҡулланылған. Һуңғыһында был хәреф тик инициаль итеп (йәғни фәҡәт һүҙ башында), în- [ын] префиксында (мәҫ. Ꙟвъца = învăţa, ынвэца — өйрәнеү) йәки уның îm- [ым] вариантында (Б, П, М хәрефтәре алдында) ҡулланылып йөрөгән. Хәрефтең килеп сығышы аныҡ түгел: ҙур юстың (Ѫ) яҙылышын үҙгәртеүе йәки пси (Ѱ) хәрефен әйләндереүе һөҙөмтәһендә барлыҡҡа килгәне фаразлана.
