«Праганы азат иткән өсөн» миҙалы

"Праганы азат иткән өсөн" миҙалы
"Праганы азат иткән өсөн" миҙалы
	рус. Медаль «За освобождение Праги»
Дәүләт	СССР; Чехословакия;
Лауреаттар категорияһы	Категория:«Праганы азат иткән өсөн» миҙалы менән бүләкләнгәндәр
Уровень ниже	«1941—1945 йылдарҙағы Бөйөк Ватан һуғышында күрһәткән фиҙаҡәр хеҙмәт өсөн» миҙалы
Нигеҙләү датаһы	9 июнь 1945
Һаны	395 000
Барлыҡҡа килгән, эшләнгән	баҡыр иретмәһе[d]
Уровень выше	«Варшаваны азат иткән өсөн» миҙалы
	РУВИКИ.Медиа файлдары

«Праганы азат иткән өсөн» миҙалы СССР Юғары Советы Президиумының 1945 йылдың 9 июнендәге Указына ярашлы булдырыла. Миҙал һүрәте авторҙары — рәссамдар А. И. Кузнецов һәм Скоржинская.

Миҙалдың тасуирламаһы

«Праганы азат иткән өсөн» миҙалы баҡыр иретмәһенән эшләнә, диаметры- 32 мм, теүәл түңәрәк формала. Миҙалдың алғы яғында өҫтә түңәрәк буйлап — «ЗА ОСВОБОЖДЕНИЕ» яҙыуы, уның аҫтында — «ПРАГИ» һүҙе, аҫта ҡалҡып барған ҡояш һәм ике лавр ботаҡтары һүрәте, ботаҡтарҙың остары биш осло йондоҙ аҫтында тоташтырылған. Миҙалдың алғы яғы ситтәренән күтәрмә менән ҡаймаланған. Миҙалдың кире яғында — Праганы азат итеү датаһы — «9 мая 1945», датаның аҫтында — биш осло йондоҙ. Миҙалдағы бөтә яҙыуҙар һәм һүрәттәр ҡабарынҡы итеп эшләнгән. Миҙал элмәк һәм дүңгәләк ярҙамында биш мөйөшлө ҡалыпҡа тоташтырыла. Ҡалып киңлеге 24 мм булған сирень төҫөндәге ебәк муар таҫма менән уратылған. Таҫма уртаһынан 8 мм киңлегендә күк төҫтәге буй үтә.

Тағыу ҡағиҙәләре

«Праганы азат иткән өсөн» миҙалы күкрәктең һул яғында йөрөтөлә һәм башҡа СССР ордендары һәм миҙалдары булған осраҡта «Варшаваны азат иткән өсөн» миҙалынан һуң урынлаштырыла.

2010 йылдың 7 сентябренән алып СССР ордендары һәм миҙалдары Рәсәй Федерацияһы ордендарынан һәм миҙалдарынан һуң урынлаштырыла^[1].

Бүләкләнеүселәр

«Праганы азат иткән өсөн» миҙалы менән 1945 йылдың 3-9 майы осоронда туранан-тура Прага операцияһында ҡатнашҡан Ҡыҙыл Армия, Хәрби-Диңгеҙ Флоты хәрбиҙәре һәм НКВД ғәскәрҙәре, шулай уҡ ҡаланы азат иткәндә хәрби операцияларҙың етәкселәре һәм ойоштороусылары бүләкләнә.

1962 йылға ҡарата «Праганы азат иткән өсөн» миҙалы менән 395 000-нән ашыу кеше бүләкләнгән. Бүләкләнеүселәр араһында — 40 мең Чехословакия гражданы^[2].

Иллюстрациялар

Миҙалдың реверсы
Рәсәй Почта маркаһы, 2015 йыл

Иҫкәрмәләр

↑ Указ Президента Российской Федерации № 1099 от 7 сентября 2010 г. «О мерах по совершенствованию государственной наградной системы Российской Федерации»
↑ Чехословацкая Народная Армия // Армии стран Варшавского договора. (справочник) / А. Д. Вербицкий и др. — М.: Воениздат, 1985. — С. 172—191.

Әҙәбиәт

Володин А. Н., Мерлай Н. М. Медали СССР. — СПб.: Печатный двор, 1997. — С. 130—131. — ISBN 5-7062-0111-0.
Колесников Г. А., Рожков А. М. Ордена и медали СССР. — Мн.: Народная асвета, 1986. — С. 88.

Һылтанмалар

Медаль «За освобождение Праги». Медали и ордена СССР

[1] Указ Президента Российской Федерации № 1099 от 7 сентября 2010 г. «О мерах по совершенствованию государственной наградной системы Российской Федерации»

[2] Чехословацкая Народная Армия // Армии стран Варшавского договора. (справочник) / А. Д. Вербицкий и др. — М.: Воениздат, 1985. — С. 172—191.

[1]

[2]