Александренко Галина Васильевна

1956 йылдың 14 июлендә Башҡорт АССР-ының Белорет ҡалаһында тыуған. 1978 йылда Ленинградта П. Ф. Лесгафт исемендәге ике Ленин орденлы Дәүләт физик культура институтын тамамлай. Бөтә Союз һәм Бөтә Рәсәй спорт ярыштарында «Содовик» спорт клубы һәм Стәрлетамаҡ ҡалаһы өсөн сығыш яһай. РСФСР-ҙың атҡаҙанған тренеры Миңлеғәли Закир улы Мөҙәрисов, шулай уҡ В. В. Бармин һәм Б. М. Моталов етәкселегендә күнекмәләр үтә. 1979 йылдан 1983 йылға тиклемге осорҙа РСФСР йыйылма командаһы, 1980—1983 йылдарҙа биатлон буйынса СССР милли йыйылма командаһы составына инә^[2].

1980 йылда биатлон буйынса СССР чемпионатында ҡатын-ҡыҙҙар араһында эстафета ярышында көмөш миҙал яулайн. 1981 йылда 5 км дистанцияға шәхси спринт ярышында алтын миҙал яулап, СССР чемпионы титулына лайыҡ була. Биатлон һәм хәрби-ҡулланма күпбәйгеләр буйынса РСФСР-ҙың күп тапҡыр чемпионы һәм призёры була. СССР йыйылма командаһы составында социалистик илдәрҙең «Дуҫлыҡ һәм туғанлыҡ өсөн» абруйлы халыҡ-ара ярыштарының эстафета ярыштарында еңеүсе була (1980, Белорус ССР-ы; 1981, Болгария)^[3].

• 1 ! 5 км-ға ярышта СССР чемпионы (1980);
• 1 ! 5 км-ға ярышта РСФСР чемпионы (1981);
• 1 ! 7,5 км-ға ярышта РСФСР чемпионы (1981);
• 1 ! Биатлон буйынса СССР чемпионы (1981) — 5 км-ға спринт;
• 2 ! СССР чемпионатының көмөш призёры (1980);
• 2 ! РСФСР чемпионатының көмөш призёры (1980);
• 1 ! 7,5 км-ға шәхси ярышта СССР чемпионатының бронза призёры (1980);
• 1 ! 7,5 км-ға шәхси ярышта РСФСР чемпионатының бронза призёры (1980);
• 1 ! Эстафетала РСФСР чемпионатының бронза призёры (1981);
• СССР-ҙың халыҡ-ара класлы спорт мастеры (1983);
• Эстафетала «Дуҫлыҡ һәм туғанлыҡ» халыҡ-ара ярыштары еңеүсеһе (Белоруссия, 1980; Болгария, 1981).