Арыҫланғужин Азат Ғәлимйән улы
Арыҫланғужин Азат Ғәлимйән улы (10 декабрь 1937 йыл — 15 декабрь 2001 йыл) — «Почёт Билдәһе» һәм Халыҡтар Дуҫлығы ордендары кавалеры
Биографияһы
Азат Ғәлимйән улы Арыҫланғужин Башҡорт АССР-ының Бөрйән районы Тимер ауылында тыуған.
- 1954 йылда 1962 йылға тиклем — «Ҡыҙыл Таң» колхозында төрлө эштәр башҡара
- 1962—1974 йылдарҙа — Бөрйән киноселтәренең Тимер бүлексәһендә киномеханик
- 1974 йылдан — «Ҡыҙыл Таң» колхозы Тимер бригадаһында ҡырсылыҡ эштәре етәксеһе
- 1978 йылдан — колхоз рәйесе урынбаҫары
- 1983 йылдан — Тимер бригадаһы бригадиры
- 1986 йылдан — колхоздың ярҙамсы хужалығы мастеры, 1989 йылдан — прорабы
2001 йылдың 15 декабрендә Тимер ауылында вафат була һәм ауыл зыяратында ерләнә.
Маҡтаулы исемдәре һәм башҡа бүләктәре
- «Почет Билдәһе» ордены
- Халыҡтар Дуҫлығы ордены
Сығанаҡтар
- Арслангужин Азат Галимьянович // Бурзянская энциклопедия / гл. ред. Г. М. Манапов. — Уфа: НИК «Башҡорт энциклопедияһы» ғилми-нәшриәт комплексы, 2022. — С. 63. — 640 с. — ISBN 978-5-88185-512-2.