Бугай Дмитрий Ефимович
| Ғилми дәрәжә | техник фәндәр докторы[d] |
|---|---|
| Гражданлығы | |
| Заты | ир-ат |
| Уҡыу йорто | |
| Ғилми исеме | профессор |
| Тыуған көнө | 26 ғинуар 1956 (68 йәш) |
| Һөнәр төрө | ғалим |
| Тыуған урыны | |
| Эш урыны |
Бугай Дмитрий Ефимович (26 ғинуар 1956 йыл) — ғалим-физик-химик. 1978 йылдан Өфө нефть институты һәм Өфө дәүләт нефть техник университеты уҡытыусыһы, бер үк ваҡытта 1985 йылдан — Аҙ күләмле химия продукттары һәм реактивтар ғилми-тикшеренеү институтының лаборатория мөдире. Техник фәндәре докторы (1999), профессор (1999), Нью-Йорк фәндәр академияһының тулы хоҡуҡлы ағзаһы (1993)[1].
Биографияһы
Дмитрий Ефимович Бугай 1956 йылдың 26 ғинуарында Өфө ҡалаһында тыуған. 1978 йылда Башҡорт дәүләт университетының физика факультетын тамамлаған. Ошо йылдан Өфө нефть институты һәм Өфө дәүләт нефть техник университеты, бер үк ваҡытта 1985 йылдан алып — Аҙ күләмле химия продукттары һәм реактивтар ҒТИ-ның лаборатория мөдире.
Бөтә хеҙмәт биографияһы Өфө дәүләт нефть техник университетының механика факультеты менән бәйле. 1999 йылдан материаловедение һәм коррозиянан һаҡлау кафедраһы профессоры. Д. Е. Бугай етәкселегендә кафедрала нефть эшкәртеү менән бәйле фәнни тикшеренеүҙәр үткәрелә. Докторлыҡ диссертацияһын ҡаты есем физика һөнәре буйынса яҡлай (1999). ӨДНТУ-ның кандидатлыҡ һәм докторлаыҡ диссертацияларын (Д 212.289.05 и Д 212.289.01) яҡлау буйынса советтар ағзаһы[1].
Фәнни эшмәкәрлеге
Фәнни хеҙмәттәре металл коррозияһы һәм ашалыу процестарының электрохимик кинетикаһы проблемаларына арналған. Д. Е. Бугай металдарҙың механик-химик үҙенсәлектәрен анализлау нигеҙендә уларҙың емерелеүенең яңы законлыҡтарын асыҡлай һәм көсөргәнеш тәьҫирендә коррозия ингибиторҙарын алыу ысулдарын эшләй. Уларҙың бер нисәһе СССР Газ сәнәғәте министрлығы предприятиеларында (1990), «Башнефть» АНК-нда (1998), «Оренбурггазпром» ЯСЙ нда (2004), «Татнефть» ААЙ нда (2009) индерелә.
400-ҙән ашыу фәнни хеҙмәт һәм 42 уйлап табыу авторы, шул иҫәптән, 6 монография, Рәсәй федерацияһының 30-ҙән ашыу патенты алынған[1].
Төп ғилми хеҙмәте:
- Коррозионностойкие стали и сплавы. Уфа, 2003; Ингибиторы коррозии: в 4 т. М., 1997—2000 (авторҙаш).
Маҡтаулы исемдәре һәм башҡа бүләктәре
- Тюмень Нефть Компанияһы гранттары конкурсы еңеүсеһе (2003)[1].
Иҫкәрмәләр
- ↑ 1,0 1,1 1,2 1,3 Бугай Дмитрий Ефимович 2019 йылдың 28 октябрь көнөндә архивланған.
Һылтанмалар
- Бугай Дмитрий Ефимович // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.