Бөрйән районы премиялары
| Бөрйән районы премиялары | |
|---|---|
| Ил |
 Рәсәй Федерацияһы Башҡортостан |
| Төр | маҡтаулы исем |
| Кем тапшыра | Бөрйән районы администрацияһы |
| Статус | ғәмәлдә |
Бөрйән районы премиялары — Башҡортостан Республикаһы Бөрйән районы администрацияһы наградалары.
Сәғитов З. Х. исемендәге премия
Сәғитов З. Х. исемендәге премия 2010 йылда уҡытыусы Сәғитов Зәки Хаммат улының исемен мәңгеләштереү маҡсатында булдырыла. Уҡытыусыларға йыл һайын педагогик эшмәкәрлектәге юғары һөҙөмтәләре өсөн тапшырыла. Лауреаттары: Хәкимова Ф. Ә. (2010), Боҫҡонов З. Ғ. (2011), Мөхәмәтйәнов Ф. Ғ.[1] (2014), Ғиззәтуллин Ф. Б.[2] (2017).
Ғәбиҙуллин С. М. исемендәге премия
Ғәбиҙуллин С. М. исемендәге премия 2010 йылда шағир Ғәбиҙуллин Самат Мәһәҙи улының исемен мәңгеләштереү, яңы таланттарҙы асыу һәм уларҙың ижадын пропагандалау маҡсатында булдырыла һәм йыл һайын бирелә. Беренсе премия 2011 йылда Иҫке Собханғол урта мәктәбе уҡыусыһы Толомғужин Айҙарға тапшырыла. Лауреаттар: Алтынбаева А. Г. (2015), Ғәләүетдинов С. Ә., (2016), Ғарифуллина А. Р..
Мөхәмәтҡолов С. М. исемендәге премия
Мөхәмәтҡолов С. М. исемендәге премия 1994 йылда сәсән Мөхәмәтҡолов Сабирйән Мөхәмәтзакир улының исемен мәңгеләштереү һәм әҙәбиәт, сәнғәт, мәҙәниәт өлкәһендә ижадты пропагандалау маҡсатында булдырыла. Иң тәүге премияға 1995 йылдың 17 февралендә Ғәбиҙуллин С. М. лайыҡ була.
Һылтанмалар
Премия // Бурзянская энциклопедия / гл. ред. Г. М. Манапов. — Уфа: НИК «Башҡорт энциклопедияһы» ғилми-нәшриәт комплексы, 2022. — С. 427. — 640 с. — ISBN 978-5-88185-512-2.
Иҫкәрмәләр
- ↑ Мухамедьянов Фаниль Гаязович // Бурзянская энциклопедия / гл. ред. Г. М. Манапов. — Уфа: НИК «Башҡорт энциклопедияһы» ғилми-нәшриәт комплексы, 2022. — С. 362. — 640 с. — ISBN 978-5-88185-512-2.
- ↑ Гизатуллин Фаяз Биргалиевич // Бурзянская энциклопедия / гл. ред. Г. М. Манапов. — Уфа: НИК «Башҡорт энциклопедияһы» ғилми-нәшриәт комплексы, 2022. — С. 180. — 640 с. — ISBN 978-5-88185-512-2.