Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Воронеж дәүләт архитектура-төҙөлөш университеты

Воронеж дәүләт архитектура-төҙөлөш университеты (ГАС Воронеж) — Воронеж ҡалаһындағы 2016 йылдың йәйенә тиклем үҙ аллы булған юғары уҡыу йорто. Әлеге ваҡытта Воронеж дәүләт техник университеты менән берләштерелгән.

Тарихы

1930 — Воронежда Төҙөлөш юғары техник уҡыу йорто төҙөлә.

1932 — Юғары техник уҡыу йорто Воронеж инженер-төҙөлөш институты итеп үҙгәртелә.

1941 — Воронеж инженер-төҙөлөш институты Воронеж авиация институтытип үҙгәртеп ҡорола.

1944 — Элекке исеме кире ҡайтарыла (Воронеж инженер-төҙөлөш институты).

1981 — ВИСИ-ның исеме Воронеж Ҡыҙыл Байраҡ орденлы инженер-төҙөлөш институтына үҙгәртелә.

1986 — 13 майҙа Воронеж инженер-төҙөлөш институтының командаһы (капитаны — Олег Песков) яңынан тергеҙелгән телевизион КВН-дың беренсе уйынында ҡатнашып, Мәскәү дәүләт төҙөлөш университеты командаһын еңә. 1987 йылдың апрелелендә үткән ярым финал уйынында, сезондың буласаҡ чемпионынан — Одесса джентльмендары командаһынан еңелә.

1993 — институт Воронеж дәүләт архитектура-төҙөлөш академияһы (ВГАСА) тип үҙгәртелә.

2000 — академия Воронеж дәүләт архитектура-төҙөлөш университеты (ВГАСУ) тип үҙгәртелә, ул 2003 йылдың 17 ғинуарында юридик шәхестәрҙең Берҙәм дәүләт реестрына Юғары профессиональ белем биреү дәүләт белем биреү учреждениеһы Воронеж дәүләт архитектура-төҙөлөш университеты булараҡ индерелә.

2011 — май айында Рәсәй Федерацияһы Фән һәм мәғариф министрлығының бойороғо менән юғары уҡыу йорто Юғары профессиональ белем биреү федераль дәүләт бюджет белем биреү учреждениеһы "Воронеж дәүләт архитектура-төҙөлөш университеты' тип атала башлай.

2016 — март айында Рәсәй Федерацияһы Фән һәм мәғариф министрлығының бойороғо менән Воронеж дәүләт архитектура-төҙөлөш университеты Воронеж дәүләт техник университетына ҡушылыу формаһында, Воронеж өлкәһендә төбәк терәк университет ойошторолоу сиктәрендә, үҙгәртеп ҡорола[1].

Институттары

  • Архитектура институты
  • Юл-Транспорт институты (элекке Механика-автомобиль юлдары)
  • Төҙөлөш-технология институты
  • Төҙөлөштә инженер системалары институты
  • Төҙөлөш институты
  • Иҡтисад, менеджмент һәм мәғлүмәт технологиялары институты (иҡтисад һәм идара итеү факультеты ҡушылған)
  • Урта профессиональ белем биреү институты

Журналдары

Воронеж дәүләт архитектура-төҙөлөш университетының Фәнни хәбәрҙәре Төҙөлөш һәм архитектура

Журнал рецензиялаусы фәнни журналдар һәм баҫмалар исемлегенә индерелгән; йылына 4 тапҡыр сыға, (март, июнь, сентябрь, декабрь)[2][3]

Журналдың инглиз телле версияһы бар «Scientific and Engineering of State University of the Herald Voronezh Architecture Civil. Construction and Architecture».

Баш мөхәррире — Суровцев Игорь Степанович, техник фәндәр докторы, профессор (Воронеж дәүләт архитектура-төҙөлөш университеты)!

Воронеж дәүләт архитектура-төҙөлөш университеты халыҡ-ара сертификатҡа эйә, был уның тамамлаусыларына донъяның 140 илендә инженер вазифаһында эшләү мөмкинлеге бирә. Университет төҙөлөш факультеттарының Европа ассоциацияһы ағзаһы булып тора. 2004 йылда сифат өсөн халыҡ-ара приз менән бүләкләнә[4].

Университеты ғалимдары тарафынан тимер юлдар системаһын камиллаштырыу өсөн бер нисә инновацион сиселеш тәҡдим ителә, Воронеж һыуһаҡлағысына реновация проекты эшләнә.

Иҫкәрмәләр

  1. ↑ Приказ о реорганизации ВГТУ и ВГАСУ. Мөрәжәғәт итеү датаһы: 2 сентябрь 2016. Архивировано 24 сентябрь 2016 года. 2016 йылдың 24 сентябрь көнөндә архивланған.
  2. ↑ Официальный сайт журнала
  3. ↑ Страница журнала на сайте Воронежского государственного архитектурно-строительного университета 2010 йылдың 14 июль көнөндә архивланған.
  4. ↑ Воронежский Государственный Архитектурно-Строительный Университет. Приглашение. 2005 год.

Һылтанмалар

Категориялар