Джон Бёрд
| Джон Бёрд | |
|---|---|
| John Bird | |
 | |
| Тыуған көнө | 30 ғинуар 1946 (79 йәш) |
| Тыуған урыны | Лондон ҡалаһы |
| Ил | |
| Эшмәкәрлеге | Социаль эшҡыуарлыҡ (эшҡыуар һәм менеджер) |
| Балалары | 3 |
| Наградалары һәм премиялары |
 |
 РУВИКИ.Медиа файлдары | |
Джон Бёрд (ингл. John Bird; 30 ғинуар 1946) — Британия эшҡыуары һәм менеджеры, The Big Issue урам гәзитен ойоштороусы, уның етәксеһе һәм баш мөхәррире.
Биографияһы
Джон Бёрд 1946 йылдың 30 ғинуарында Бөйөк Британияның баш ҡалаһы Лондондоң Ноттинг-Хилл районында ярлы ирланд ғаиләһендә тыуған[1].
Ул алты малай араһында өсөнсөһө була[2].
Ата-әсәләренең ҡуртымға алған торлаҡтарына түләү мөмкинлеге булмағанлыҡтан, биш йәшенән берәҙәк тормошта йәшәргә мәжбүр була,[2] ә ете йәштән алып ун йәшкә тиклем балалар йортонда тәрбиәләнә[3].
Үҫмер сағында урамда йәшәй, урлап донъя күрә һәм төрмәгә эләгә[2][3]. Төрмәнән сыҡҡас урамда йәшәй һәм тағын төрмәгә ултыра[3].
Полиция эҙәрләүенән Парижға (Франция) ҡаса, The Club (сәйәси төркөм) партияһына инә[2].
1970 сәйәсәттән китә һәм бәләкәй эшҡыуарлыҡ менән шөғөлләнә башлай[3].
1991 йылда Анита Роддикменән Body Shop косметик бизнесынан табыш алғандан һуң, 50 000 АҠШ долларына The Big Issue нигеҙ һала[2][4], ә 1995 йылда фонд The Big Issue Foundation өйһөҙҙәргә ярҙам күрһәтә башлай[1].
The Big Issue Invest уңыштары өсөн, Джон Бёрд бер нисә бүләк ала: 1995 йылдың июнендә Британия империяһы ордены ағзаһы була, 1996 йылдың майында БМОның «Яҡшы тәжрибә» шорт-лист премияһын, 2004 йылдың октябрендәUN-Habitat Scroll of Honour Award премияһын ала, 2004 йылда BBC тарафынан «Лондон легендаһы» тип атала, ә 2006 йылда The Beacon Fellowship премияһын ала[5].
2007 йылда Бёрд Лондон мэрына үҙен бойондороҡһоҙ кандидат итеп ҡуям тип белдерә һәм үҙенең манифестын белдерә[6], әммә һуңыраҡ был уйынан баш тарта[7].
2008 йылдың октябрендә Ernst & Young Джон Бёрдты «Йыл социаль эшҡыуары» тип атай[8][9].
2009 йылда Бёрд социаль эшҡыуарлыҡҡа ярҙам күһәтеү өсөн, үҙенең The Big Issue Invest инвестиция фондын аса.
2013 йылдан Plymouth University хөрмәтле докторы.
Иҫкәрмәләр
- ↑ 1 2 1049077 - THE BIG ISSUE FOUNDATION (ингл.). Charity Commission. Мөрәжәғәт итеү датаһы: 6 май 2015.
- ↑ 1 2 3 4 5 Nick Davies. The big thing about the Big Issue (ингл.) (март 1994). — The Guardian. Мөрәжәғәт итеү датаһы: 6 май 2015.
- ↑ 1 2 3 4 John Bird (ингл.). National Literacy Trust (2007). Мөрәжәғәт итеү датаһы: 6 май 2015.
- ↑ Boukhari, Sophie. The Press Takes to the Street (ингл.). UNESCO Courier (февраль 1999). Мөрәжәғәт итеү датаһы: 6 май 2015.
- ↑ Beacon Fellows (ингл.). beaconawards.org.uk. Мөрәжәғәт итеү датаһы: 6 май 2015. 2017 йылдың 24 март көнөндә архивланған.
- ↑ Big Issue owner unveils manifesto (ингл.). BBC (1 май 2007). Мөрәжәғәт итеү датаһы: 6 май 2015.
- ↑ Big Issue founder targets poverty (ингл.). BBC (18 октябрь 2007). Мөрәжәғәт итеү датаһы: 6 май 2015.
- ↑ Ernst&Young Entrepreneur 2008 award recipients 2015 йылдың 24 сентябрь көнөндә архивланған.
- ↑ Richard Harpin, CEO of Homeserve Plc, is Ernst & Young ‘UK Overall Entrepreneur Of The Year 2008’