Кинематограф

Кинемато́граф (грекса κινημα — хәрәкәт һәм грекса γραφω — яҙырға, һурәтләргә; йәғни «хәрәкәтте һүрәтләү») — хәрәкәт иткән рәсемдәрҙе берләштергән кеше эшсәнлеге төрө. Ҡайһы бер ваҡытта синемато́граф тип атала (фр. cinématographe). Кинематограф XIX быуатта барлыҡҡа килгән. Кинематограф һүҙенең аңлатмаһы эсенә киносәнәғәт (иҡтисад өлкәһе), киносәнғәт инә. Кинематографты өйрәнеү эше менән кино белеме фәне шөғөлләнә.