Көфөрлөк

Көфөр (ғәр. كفر ‎ — Аллаһҡа ышанмау) — Исламда иң ҙур гонаһ  — Аллаһы тәғәләгә ышанмауҙы билдәләгән термин. Көфөрлөккә төшкән кешене кафыр тип атайҙар.

Көфөрлөк төрҙәре

Көфөрлөктөң ҙур һәм бәләкәй төрҙәргә бүленә . Ҙур көфөрлөк менән бәләкәйе араһында нигеҙҙә 4 айырма бар:

1. Ҙур көфөрлөк иманғаа, тәүхидкә бөтөнләй тап килмәй, ә имандың тулы булмауы бәләкәй көфөрлөккә инә.
2. Ҙур көфөрлөк бөтә яҡшы ғәмәлдәрҙе юйҙырта һәм кешене Исламдан сығара, ә бәләкәй көфөрлөк Исламдан сығармай.
3. Ҙур көфөрлөк, әгәр кеше тәүбә итмәһә, Аллаһ тарафынан ғәфү ителмиәй, ә бәләкәй көфөрлөктөң ғәфү ителеүе ихтимал.
4. Ҙур көфөрлөк кешене мәңгегә тамуҡҡа илтә, ә бәләкәй көфөрлөк ауыр язаға сәбәп булып тора.

Имам ибн әл-Ҡаййим ҙур көфөрлөктө биш төргә бүлә:

1. Куфр әт-тәкҙиб (ғәр. كُفْرُ التَكْذِيب‎) - Пәйғәмбәрҙәрҙе алдыҡсылыҡта ғәйепләү, уларҙы ялғансы тип һанау.
2. Куфр әл-истиҡбар (ғәр. كُفْرُ الإِسْتِكْبَار‎) - тәкәбберлек менән бәйле көфөрлөк; исламдың хаҡлығын белә тороп, уны ҡабул итмәү.
3. Куфр әл-иғрәд (ғәр. كُفْرُ الإِعْرَاض‎) - Исламды тулысынча инҡар итеүгә, иҫәпкә алмауға нигеҙләнгән көфөрлөк; Мөхәммәт (Пәйғәмбәр)ҙән (салләллаһу ғәләйһи үәссәләм) тулыһынса тайшаныу (рисәләтен хаҡ тип тә, ялған тип тә әйтмәү).
4. Куфр әш-шәкк (ғәр. كُفْرُ الشَّكّ‎) - Исламдың хаҡлыгында шикләнеү.
5. Куфр ән-нифак (ғәр. كُفْرُ النِفَاق‎) - ике йөзлөлөк-нифакҡа юл ҡуйған көфөрлөк; мосолманлығы тыштан ғына булыу, ә күңелендә дин юҡ .

Әҙәбиәт

• Али-заде, А. А. Кяфир (архив ) // Исламский энциклопедический словарь. — М.: Ансар, 2007.
• Гогиберидзе Г. М. Исламский толковый словарь. — Ростов н/Д: Феникс, 2009. — 266 с. — (Словари). — 3000 экз. — ISBN 978-5-222-15934-7.
• Ермаков Д.В. Куфр // Ислам: энциклопедический словарь / отв. ред. С. М. Прозоров. — М. : Наука, 1991. — С. 145.
• Эль Зант Камаль. Виды куфра // Расскажи мне о вере. — Идел-Пресс, 2007. — 528 с. — ISBN 978-5-85247-193-2.