Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Минең илем — минең Рәсәйем


«Минең илем — минең Рәсәйем» (рус. «Моя страна — моя Россия») — ауылдарҙы, бәләкәй һәм ҙур ҡалаларҙы социаль-иҡтисади үҫтереүҙең авторлыҡ проекттары конкурсы[1]. Беренсе тапҡыр 2004 йылда үтә[2]. 2019 йылдан «Рәсәй — мөмкинлектәр иле» автономиялы коммерцияға ҡарамаған ойошма эгидаһында, РФ Фән һәм юғары белем министрлығы, РФ Мәғариф министрлығы, РФ Федераль Йыйылышы Федераль Советының Фән, мәғариф һәм мәҙәниәт буйынса комитеты, Интеллектуаль милек буйынса федераль хеҙмәт, «Рәсәй мәғариф академияһы» федераль дәүләт бюджет учреждениеһы, Йәштәр эштәре буйынса федераль агентлыҡ ярҙамында ойошторола[3][4].

Конкурсҡа 13 йәшкә тиклем, 14 йәштән 17 йәшкә тиклем, 18 йәштән 35 йәшкә тиклем, 35 йәштән өлкән йәш категориялары буйынса авторҙарҙың эштәре ҡабул ителә[5]. 2025 йылда 1941—1945 йылдарҙағы Бөйөк Ватан һуғышында Еңеүҙең 80 йыллығына бағышлана[6].

Тарихы

Конкурс идеяһы 2003 йылда Рязандә үткән Бөтә Рәсәй йәштәр парламентаризмын үҫтереү буйынса семинарында формалаштырыла[4].

Беренсе тапҡыр конкурс 2004 йылда үтә, эксперт советы «XXI быуаттағы һинең ҡалаң» темаһына талиптарҙың эшен баһалай, улар ҡалаларҙың идара итеү системаһын камиллаштырыуға, иҡтисадтың аныҡ секторҙарын, шулай уҡ социаль һәм фәнни-педагогик өлкәне үҫтереүгә арнала[1].

2006 йылда Бөтә Рәсәй статусын ала, конкурстың төп бурыстары иҫәбенә йәштәрҙе социаль проектлау нигеҙҙәренә өйрәтеү, шулай уҡ илдең кадрҙар ҡеүәтен формалаштырыу инә[3].

2019 йылда конкурс «Рәсәй — мөмкинлектәр иле» (рус.)баш. автономиялы коммерцияға ҡарамаған ойошма эгидаһында үткәрелә. Шуға бәйле ил президенты Владимир Путин уны «Рәсәй төбәктәренең социаль-иҡтисади үҫешенең мөһим мәсьәләләрен хәл итеүгә йәш быуынды йәлеп итеү өсөн абруйлы, талап ителгән майҙансыҡ» булараҡ билдәләй[4].

Ҡатнашыусылар һаны йылдан-йыл арта: әгәр 2018 йылда 7 мең эш ҡабул ителһә, 2019 йылда — 35, 2025 йылда 100 меңдән ашыу[7].

undefined

Ҡатнашыусылар

Конкурста дүрт йәш категорияһы авторҙары ҡатнаша:

  • 13 йәшкә тиклем;
  • 14 йәштән 17 йәшкә тиклем;
  • 18 йәштән 35 йәшкә тиклем;
  • 35 йәштән өлкән.

Конкурс положениеһына ярашлы, эксперт советы барлыҡ эштәрҙе ҡарап, уларҙың араһынан 300 эште һайлап ала һәм авторҙарҙы яҡлауға саҡыра (дистанцион рәүештә)[3]. Һәр йәш категорияһында 1-3-сө урын алған еңселәр билдәләнә[3]. Баһалағанда эштең социаль әһәмиәте һәм уның Рәсәй президентының «2030 йылға тиклем осорға һәм 2036 йылға перспективала Рәсәй Федерацияһын үҫтереү милли маҡсаттары тураһында» указына тап килеүе, үҙ тикшеренеүҙәре һөҙөмтәләре булыуы, проектты тормошҡа ашырыу мөмкинлеге ҡарала[3].

Бүләкләү Халыҡ-ара Петербург иҡтисади форумының (рус.)баш. Йәштәр көнө сиктәрендә үтә[5].

undefined

Конкурс еңеүселәре аҡсалата премия, вуздарға ингәндә өҫтәмә мәрәйҙәр, проекттарҙы мәғлүмәти оҙатыу ала[8].

Номинациялар

2025 йыл номинациялары
Сығанаҡ:[3]
Номинациялар Төп аспекттар
«Минең илем. Минең тарихым. Минең Еңеүем»
  • Бөйөк Ватан һуғышы тураһында тарихи хәтерҙе Рәсәйҙә һәм унан ситтә һаҡлау, тергеҙеү, ярҙам итеү һәм популярлаштырыу;
  • һуғыш һәм хеҙмәт ветерандарына ярҙам итеү буйынса оҙайлы ваҡытлы саралар ойоштороу;
  • хәрби һәйкәлдәрҙе һәм мемориалдарҙы, шулай уҡ тыл хеҙмәтсәндәренә ҡуйылған мемориалдарҙы һаҡлау;
  • һуғышҡа бәйле ерҙәрҙе һәм Совет Армияһы хәрби хеҙмәткәрҙәре ерләнгән урындарҙы эҙләү сараларына ярҙам итеү;
  • йәштәрҙә илһөйәрлек һәм совет халҡының фашизмды еңеүгә баһалап бөткөһөҙ өлөш индереүе өсөн ғорурлыҡ тойғоһо тыуҙырыуға йәнлтелгән саралар үткәреү;
  • Бөйөк Ватан һуғышының билдәһеҙ биттәрен тикшереү.
«Минең ғаиләм: күсәгилешлек, ҡиммәттәр һәм мәғәнә»
  • тарихи хәтерҙе һаҡлау, ғаилә нигеҙҙәрен нығытыу, тарихты һаҡлау буйынса проекттар һәм тәҡдимдәр эшләү;
  • йәштәрҙе ғаилә ҡороуға һәм ғаиләләге быуын-ара остазлыҡ күҙлегенән яуаплы ата-әсәлеккә әҙерләү;
  • социаль-иҡтисади процестарҙыҫтереү (мәҫәлән, ғаилә бизнесә йәки инфраструктураны үҫтереү);
  • Рәсәй ҡалаларында һәм ауылдарында ғаилә институты өсөн имен инфраструктура булдырыу һәм үҫтереү;
  • мөмкинлеге сикләнгән йәки сәләмәтлеге ҡаҡшаған балалары булған ғаиләләргә ярҙам итеү.
«Минең күп милләтле Рәсәйем» (шулай уҡ «Минең тыуған телем», «беҙҙең илдәр туғанлығы», «Минең кәсебем» йүнәлештәрен үҙ эсенә ала)
  • милләттәр, мәҙәниәттәр һәм диндәр араһындағы аралашыуҙы, шул иҫәптән Рәсәй менән дуҫ булған дәүләттәр менән иҡтисади, фәнни-техник, гуманитар хеҙмәттәшлекте үҫтереү;
  • Рәсәй халыҡтары тормошоноң барлыҡ өлкәһе буйынса тарихи материалдарҙы йыйыу, дөйөмләштереү, системалау, һаҡлау һәм фәнни әйләнешкә индереү;
  • балаларҙың һәм йәштәрҙең археологик эшмәкәрлегенә булышлыҡ итеү;
  • урындарҙа тарихи-мәҙәни мәғлүмәттәрҙе туристик-рекреацион эшмәкәрлеккә берләштереү;
  • йәштәр мөхитендә Рәсәй ҡалалары һәм ауылдары тарихын, мәҙәниәтен, уларҙа йәшәгән халыҡтарҙың ғөрөф-ғәҙәттәрен өйрәнеүгә йүнәлтелгән мәғрифәтселек эшмәкәрлеген үҫтереү;
  • балаларға һәм йәштәргә рухи-әхлаҡи тәрбиә биргәндә эске туризмдың ролен, уларҙы уңышлы социализациялау, илһөйәрлек һәм граждан яуаплылығы тәрбиәләү.
«Минең ғорурлығым. Минең атайсалым (мнең ҡалам, минең ауылым)» (шулай уҡ «Минең атайсалым (минең ҡалам, минең ауылым)», «Минең Алыҫ Көнсығышым. Минең Арктикам» йүнәлештәрен үҙ эсенә ала)
  • Рәсәй ҡалалары һәм ауылдарын үҫтереүҙә граждандар ҡатнашыуының ыңғай миҫалын популярлаштырыу, заман геройҙарын үҫтереү;
  • урындағы халыҡты һәм йәмғиәттәрҙе территорияларҙы үҫтереү процесына, шул иҫәптән тауыш биреүҙәрҙә, йорт, урам, биҫтә кимәлендә яңы форматта ҡатнашыу аша йәлеп итеү;
  • ҡалаларҙың, шул иҫәптән бәләкәй ҡалаларҙың һәм тарихи биләмәләрҙең мәҙәни-тарихи мираҫын һаҡлау;
  • тыуған яҡтың тарихын өйрәнеү һәм популярлаштырыу;
  • уңайлы ҡала мөхитен булдырыуҙа ирекмәндәр ҡатнашҡан тәжрибәләрҙе иҫәпкә алып, территорияларҙы үҫтереү, инициативалар һәм проекттар өлкәһендә ирекмәнлекте үҫтереү;
  • күршеләр араһында (күрше фатирҙар, подъездар, йорттар) яҡшы күршелек һәм мөнәсәбәттәр мәҙәниәте традицияларын үҫтереү.
«Минең педагогик инициативам»
  • мәктәпкәсә һәм дөйөм белем биреү системаһын үҫтереү;
  • дистанцион белем биреүҙе, электрон белем биреү материалдарын, мәғлүмәт һәм мультимедиа технологияларын, мобиль ҡушымталарҙы, белем биреү онлайн-курстарын, электрон китапханалар һәм энциклопедияларҙы эшләү һәм индереү;
  • белем биреү һәм үҙ аллы уҡыуҙың интеллектуаль системаларын эшләү;
  • балаларҙы һәм йәштәрҙе проект эшмәкәрлеге нигеҙҙәренә, шул иҫәптән социаль проектлау өлкәһенә өйрәтеүҙең һөҙөмтәле ысулдарын һәм тәжрибәләрен үҫтереү һәм таратыу;
  • төбәк һәм муниципаль кимәлдәрҙә балалар һәм йәштәр менән проект эшмәкәрлеген моделдәрен булдырыу һәм үҫтереү.
«Минең һаулығым»
  • хәүеф факторҙарын (тәмәке тартыу, алкоголь, дөрөҫ туҡланмау һәм тбән физик әүҙемлек) һәм уларҙың кеше сәләмәтлегенә йоғонтоһон өйрәнеү;
  • эш урындарында сәләмәтлекте нығытыу буйынса корпоратив программаларҙы индереү һәм үҫтереү;
  • Рәсәй халыҡтары аш-һыуының сәләмәтлеккә һәм оҙон ғүмерлелеккә йоғонтоһон өйрәнеү;
  • инвалидтарҙың, социаль яҡланмаған граждандарҙың, етем балалрҙың һәм ата-әсә ҡарауынан мәхрүм ҡалған балаларҙың, уларҙың эшмәшғүллеген һәм эшҡыуарлыҡ әүҙемлеген дә индереп, ижади һәм һөнәри тәжрибәһен үҫтереү;
  • инвалид һәм һаулыҡ мөмкинлектәре сикле кешеләр менән социаль йүнәлешле коммерцияға ҡарамаған ойошмалар булдырыу;
  • инвалид, социаль яҡланмаған граждандар, етем балалар һәм ата-әсә ҡарауынан мәхрүм ҡалған балаларға һөнәр һайларға ярҙам итеү һәм уларҙы эшкә урынлаштырыу.
«Минең илемдең экологияһы»
  • экологик туризмды үҫтереү;
  • Рәсәй сүп-сар идаралығы тармағын булдырыуҙы ла керетеп, сүп-сарҙы айырып йыйыу һәм уны икенсел эшкәртеү технологияһын индереү һәм үҫтереү;
  • водород (шул иҫәптән метан-водород) технологияларын үҫтереү;
  • Рәсәйҙә газ-мотор яғыулығын һәм газ-мотор станциялары селтәрен үҫтереү;
  • тәбиғи газдан биопротеин алыу технологияларын үҫтереү;
  • тәбиғи газды һаҡлау һәм ташыу өсөн технологияларҙы үҫтереү һәм инновацион материалдар эшләү.
«Минең ҡунаҡсыл Рәсәйем»
  • илдең имиджын яңыртыу;
  • туристик объект булараҡ территорияның инвестицион ылыҡтырыуын формалаштырыу, туристик территория брендын үҫтереү;
  • туризм төрҙәрен үҫтереү (йыһан, сәнәғәт, фәнни, мәғариф, спорт, мәҙәни-күңел асыу, гастрономик, этнографик, ваҡиға, балалар, ауыл, мажаралы, агротуризм);
  • ял көндәре маршруттарын һәм тарихи урындар буйынса маршруттарҙы эшләү һәм үҫтереү;
  • «өсөнсө быуын кешеләре» һәм аҙ хәрәкәт иткән туристар өсөн туристик продукт эшләү һәм үҫтереү;
  • Рәсәй халыҡтары аш-һыуын өйрәнеү һәм популярлаштырыу.
«Минең илемдең интеллектуаль милеге» (шулай уҡ «Төбәктәрҙе үҫтереүҙең һанлы мөхите», «Рәсәй төбәктәрендә интеллектуаль милек өлкәһендә мәғариф системаһын булдырыу һәм үҫтереү», «Яңы һанлы технологиялар һәм платформа хәл итеүҙәре күҙлегенән төбәк интеллектуаль милеге системаһын булдырыу һәм үҫтереү механизмдарын формалаштырыу», «Интеллектуаль милекте һаҡлау — тармаҡ үҙенсәлеге»)
  • ҙур мәғлүмәт һәм яһалма интеллектты ҡулланған патентланған интеллектуаль аналитика нигеҙендә «Аҡыллы территория» төбәк һәм муниципаль программалар өсөн һөҙөмтәле технологик эшләнмәләрҙе һайлап алыу;
  • мәғариф, регулятор һәм инвестицион механизмдар ҡулланып, яңы һанлы технологиялар һәм платформа хәл итеүҙәре күҙлегенән интеллектуаль милектең комплекслы төбәк системаһын формалаштырыу;
  • төбәктәрҙең фәнни-технологик үҫешен фаразлау ҡорамалын эшләү һәм индереү;
  • Рәсәй төбәктәрендә интеллектуаль милекте һәм инновацион эшҡыуарлыҡты үҫтереүҙе коммерциалаштырыу;
  • төбәк брендтарын үҫтереүҙең һөҙөмтәле механизмдарын формалаштырыу һәм уларҙы һаҡлау стратегияһы.
«Төбәктәрҙә граждандарҙың тормош сифатын күтәреү өсөн һанлы мөхит»
  • сәләмәтлек мөмкинлектәре сикләнгән кешеләр, балалы ғаиләләр, оло йәштәгеләр өсөн яҡшы мөхит булдырыу ҡоралы булараҡ һанлы технологияларҙы үҫтереү;
  • Рәсәй төбәктәрендә граждандарҙың һанлы грамоталылығын үҫтереү;
  • һанлы ресурстарҙы үҙләштергән граждандарға ярҙам итеү;
  • төбәктә йәшәгән граждандарҙың мөмкинлеген киңәйтеү өсөн, социаль мәсьәләләрҙе һәм яңы эш урындарын булдырыуҙы ла индереп, яңы махсуслашҡан һанлы ресурстар булдырыу.
«Минең илемде ҙур технологик разведкалау» (шулай уҡ «Йыһанда һәм авиацияла инновациялар», «Алдынғы етештереү технологиялары», «Мәғлүмәт технологиялары һәм робототехника», «Сәнәғәт һәм энергетика», «Химия технологиялары һәм экология», «„Аҡыллы ҡала“ өсөн технологиялар һәм ижади технологиялар», «Медицина, био- һәм ауыл хужалыҫы технологиялары» йүнәлештәрен үҙ эсенә ала)
  • сәнәғәт интернеты өлкәһендә ҡуланыу, сәнәғәт предприятиеларында ҙур мәғлүмәттәрҙе анализлау, фаразлау аналитикаһы өсөн ҡорамалдар һәм хәл итеү юлдарын эшләү һәм индереү;
  • яңы материалдар эшләү һәм уларҙы сәнәғәттә ҡулланыу;
  • сәнәғәт робототехникаһы һәм сенсорика өлкәһендә фәнни-тикшеренеү һәм тәжрибә-конструктор әҙерләмәләрен тикшереү, эшләү һәм ҡулланыуға индереү;
  • металдарҙы ҡайтанан эшкәртеү өлкәһендә проекттар эшләү һәм ҡулланыуға индереү;
  • файҙалы ҡаҙылмалар ятҡылығын эшкәртеү технологиялары, уларҙы табыу һәм эшкәртеү өлкәһендә хәл итеү юлдарын эшләү һәм ҡулланыуға индереү;
  • энергогенерация, шәхси тупланмаларҙы үҫтереү өлкәһендә асыштарҙы һәм эштәрҙе индереү;
  • яңы химик материалдар, органик булмаған һәм органик матдәләр, яңы заманса химик материалдар нигеҙендә продукттар эшләү;
  • ергә ситтән тороп мониторинг үткәреү өсөн технологиялар һәм эшләнмәләр әҙерләү һәм индереү;
  • сеймалдың яңы сығанаҡтарын эшкәртеү, заманса селекциялағы «яңы аҙыҡ» булдырыу;
  • яңы дарыуҙар эшләү;
  • профилактика һәм ауырыуҙарҙы шәхси контролләү өсөн аныҡ диагностика системалары өлкәһендә фәнни-тикшеренеү һәм тәжрибә-конструктор проекттары, ҡушымталар эшләү һәм ҡулланыуға индереү.
«Минең эшҡыуарлыҡ инициативам. Төбәкте үҫтереү өсөн креатив индустриялар»
  • социаль эшҡыуарлыҡты үҫтереү;
  • йәштәрҙең бизнес-инициативаларын үҫтереү;
  • кәсепселек йолаларын һәм технологияларын тергеҙеү, традицион халыҡ кәсептәрен үҫтереү;
  • Рәсәй халыҡтарының тарихи-мәҙәни мираҫын һаҡлау күҙлегенән дә ҡыҙыҡһыныу тыуҙырған, сувенир продукцияһы һәм ҡулланыу тауарҙарын етештереү өсөн дә һирәк һәм юғалтылған кәсептәр һәм технологияларҙы тергеҙеү.
«Транспорт. Минең илемдең бәйләнеш юлдары»
  • автомобиль юлдарын төҙөү технологияларының үҫеше, юл һәм инженер инфраструктураларына яңы эшләнмәләр индереү;
  • килемлелекте һәм иҡтисади файҙаны нигеҙләп, төбәк һәм урындағы әһәмиәттәге юлдарҙы проектлау һәм төҙөү;
  • граждандарҙың ирекле рәүештә аҡса йыйыуы иҫәбенә ҡасаба юлдарын төҙөү;
  • Рәсәй Федерацияһының аҙ үҙләштерелгән Себер, Алыҫ Көнсығыш, Арктика зонаһының географик һәм тәбиғи-климат үҙенсәлектәрен дә иҫәпкә алған яңы техник һәм технологик эштәрҙе ҡулланған транспорт тармаҡтарын эшләү;
  • баланслы транспорт инфраструктураһы үҫеше базаһында Рәсәйҙә берҙәм транспорт киңлеге булдырыу.
«Минең шәжәрәм ептәре» балалар өсөн Бөйөк Ватан һуғышында еңеүҙең 80 йыллығына арналған махсус номинация.

Етәкселек

• Дмитрий Турлаков — «Минең илем — минең Рәсәйем» конкурсының башҡарма дирекцияһы етәксеһе[9];
• Лариса Пастухова — фәнни етәксе, конкурс концепцияһы авторы[9];
• Галина Сорокина — конкурстың эксперт йәмғиәте координаторы[9]
• Владимир Берестецкий — конкурс сығарылыусылары ассоциацияһы координаторы[9].

Иҫкәрмәләр

  1. ↑ 1 2 «Моя страна - моя Россия» - Всероссийский конкурс. moyastrana.ru. Мөрәжәғәт итеү датаһы: 16 июнь 2025. (Тикшерелеү көнө: 30 июнь 2025)
  2. ↑ Проект Всероссийский конкурс "Моя страна - Моя Россия". dobro.ru. Мөрәжәғәт итеү датаһы: 16 июнь 2025. (Тикшерелеү көнө: 30 июнь 2025)
  3. ↑ 1 2 3 4 5 6 Положение о конкурсе "Моя страна - моя Россия". Моя страна. Мөрәжәғәт итеү датаһы: 16 июнь 2025. (Тикшерелеү көнө: 30 июнь 2025)
  4. ↑ 1 2 3 Путин: проекты на конкурсе "Моя страна - моя Россия" показали большой потенциал молодежи. TACC (8 июнь 2019). Мөрәжәғәт итеү датаһы: 16 июнь 2025. (Тикшерелеү көнө: 30 июнь 2025)
  5. ↑ 1 2 Всероссийский конкурс «Моя страна — моя Россия» открыл прием заявок на новый сезон. Lenta.RU (4 март 2025). Мөрәжәғәт итеү датаһы: 16 июнь 2025. (Тикшерелеү көнө: 30 июнь 2025)
  6. ↑ Российское историческое общество. Конкурс проектов по развитию городов и сёл «Моя страна — моя Россия» открыл приём заявок - Российское историческое общество. historyrussia.org (28 март 2025). Мөрәжәғәт итеү датаһы: 16 июнь 2025. (Тикшерелеү көнө: 30 июнь 2025)
  7. ↑ Победителей конкурса «Моя страна — моя Россия» объявили на ПМЭФ. Взгляд (17 июнь 2023). Мөрәжәғәт итеү датаһы: 16 июнь 2025. (Тикшерелеү көнө: 30 июнь 2025)
  8. ↑ Моя страна – моя Россия. Telegram (17 июнь 2025). Мөрәжәғәт итеү датаһы: 17 июнь 2025. (Тикшерелеү көнө: 30 июнь 2025)
  9. ↑ 1 2 3 4 «Моя страна - моя Россия» - Команда проекта. moyastrana.ru. Мөрәжәғәт итеү датаһы: 17 июнь 2025. (Тикшерелеү көнө: 30 июнь 2025)

Категориялар