Оломоуц крайы
Оломоуц крайы (чех Olomoucký kraj) — административ берәмек, Чех республикаһының төньяҡ-көнбайышында һәм Моравия тарихи өлкәһенең үҙәк өлөшөндә, шулай уҡ өлөшләтә Силезияла урынлашҡан.
Төньяҡта 104 км оҙолоҡта Польша менән сикләшә Шулай уҡ край Чехияның Моравия-Силезия, Злинский, Көньяҡ Моравия һәм Пардубицкий крайҙары менән сиктәш
Оломоуц крайының майҙаны 5267 квадрат километрға тиң, был Чехия территорияһының 6,7%-ы. Крайҙың административ үҙәге — Оломоуц ҡалаһы.
Халыҡ
Төбәктә 398 тораҡ пункты иҫәпләнә, шул иҫәптән 26 ҡала, унда 628 427 кеше (2011 йыл халыҡ иҫәбен алыу буйынса) йәшәй, былл край халҡының 57,5%-н тәшкил итә.
Ҡалалар
| Ҡала | Халыҡ (2005 йылдың 31 декабре) |
|---|---|
| Оломоуц | 381 100 |
| Простеев | 058 47 |
| Пршер | 858 46 |
| Шумперк | 196 28 |
| Сиге | 525 19 |
| Забржег | 268 14 |
| Штернберк | 872 13 |
| Есеник | 12 377 |
| Уничов | 283 12 |
| Литовель | 10 073 |
| Товачов | 2 508 |
| Кралица-на-Карамышев | 450 1 |
Административ бүленеше
Крайы 5 районға бүленгән:
| Район | Майҙан, км² |
Халҡы,[7] кеше (2011) |
Тораҡ пункттар һаны |
|---|---|---|---|
| Есеник | 719 | 779 38 | 24 |
| Оломоуц | 1620 | 230 408 | 96 |
| Простеев | 770 | 859 107 | 97 |
| Пршер | 845 | 130 082 | 104 |
| Шумперк | 1313 | 299 121 | 77 |
Иҡтисад һәм транспорт
Төбәк. өлөшө тулайым Чехия милли продуктының 4,8%-н тәшкил итә..
Крайҙың үҙәгендә һәм көньяғында ауыл хужалығы продукттары (атап әйткәндә, иген культуралары һәм шәкәр сөгөлдөрө) етештерелә һәм уны эшкәртеү, аҙыҡ-түлек сәнәғәте бар. Шулай уҡ крайҙар туҡыу һәм тегеү сәнәғәте предприятиелары, машиналар төҙөү һәм оптика сәнәғәте бар.
Транспорт инфраструктураһына 744 км тимер юлы һәм 3461 км автомобиль юлы инә.
Оломоуц эргәһендә халыҡ-ара аэропорт бар.
Туризм
Jeseníky ҡурсаулығы, ундағы 45 метрлыҡ шарлауыҡ һәм һыуһаҡлағыс туристарҙы йәлеп итеүсе урын булып тора. Litovelské Pomoraví ҡурсаулығында урман массивтары дәүләт һаҡлауы аҫтында тора.
Тәбиғи ландшафттан тыш, иҫтәлекле тарихи урындар бар, мәҫәлән, Бузов (Bouzov), Штернберк (Šternberk), Усов (Úsov), Товачов (Tovačov) замоктары.
Оломоуц ҡалаһының тарихи үҙәгендәге архитектура объекттары бик күп, улар ренессанс, барокко мәҙәниәте ҡомартҡыһы булып һаҡлана.
Барокко стилендәге Изге Троица Колоннаһы ЮНЕСКО-ның бөтә донъя мираҫы объекты булып тора.
Иҫкәрмәләр
- ↑ 1 2 Český statistický úřad Výsledky sčítání 2021 – otevřená data (чеш.)
- ↑ https://www.czso.cz/documents/11276/17838506/cr171.pdf
- ↑ Czech Statistical Office — 1969.
- ↑ 1 2 3 4 5 Administrativní registr ekonomických subjektů
- ↑ archINFORM (нем.) — 1994.
- ↑ Český statistický úřad Počet obyvatel v obcích - k 1. 1. 2022 (чеш.) — Praha: ČSÚ, 2022.
- ↑ Халыҡ иҫәбен Чехия (2011)