Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Остин Ирина Михайловна

РУВИКИ интернет-энциклопедияһында Остин фамилиялы башҡа кешеләр тураһында мәҡәләләр бар.

Остин Ирина Михайловна (рус. Ирина Михайловна Остин; 1965 йылдың 2 декабре, Өфө) — Рәсәй джаз йырсыһы, йырҙар авторы, композитор, педагог, джаз фестивалдәрен ойоштороусы[2]. Заһир Исмағилев исемендәге Өфө дәүләт сәнғәт институты доценты, Өфө сәнғәт училищеһының юғары категориялы уҡытыусыһы, «Өфө» джаз-квартеты лидеры, Бөтә Рәсәй һәм халыҡ-ара джаз фестивалдәре лауреаты[3][4].

Биографияһы

1965 йылдың 2 декабрендә Өфө ҡалаһында тыуған. Алты йәшенән Элла Фицджеральдтың яҙмаларын тыңлай башлай, уның күпселек импровизацияларын яттан белә.

1985 йылда Өфө сәнғәт училищеһын аккордеон класы буйынса тамамлай, биш йылдан һуң (1990 йылда) Сәнғәт академияһының аккордеонист-солист һәм ансамбль етәксеһе дипломын алып сыға[5].

1995 йылда Олег Кирәевтың ансамблендә дебют сығышын яһай. 1998 йылда Һамарҙағы фестивальдә Григорий Файн, Николай Мачкасов һәм Эдуард Зизак менән сығыш яһай.

1997 йылда ҡабаттан Өфө дәүләт сәнғәт академияһына (хәҙер — Заһир Исмағилев исемендәге Өфө дәүләт сәнғәт институты) уҡырға инә һәм 2002 йылда эстрада-джаз бүлеген вокал класы буйынса тамамлай. Артабан аспирантурала белем ала.

2001 йылда АҠШ-та Беркли музыка колледжында уҡый.

2000 йылда контрабасист Сергей Оськин менән бергә «Өфө» джаз-квартетын (саксофонист Павел Скорняков һәм барабансы Антон Антонов ҡатнашлығында) ойоштора. Ваҡыт үтеү менән коллектив составын киңәйтә һәм исемен «ОстинДжазБэнд» тип үҙгәртә[6].

2011 йылда Өфөлә STARWAY шәхси музыка мәктәбен аса.

Йырсы әүҙем концерт эшмәкәрлеген алып бара, Рәсәйҙең, алыҫ һәм яҡын сит илдәрҙең бик күп джаз коллективтары менән эшләй[7]. Өфө ҡала джаз-клубының аяҡҡа баҫыуына һәм үҫешенә ҙур өлөш индереүсе булараҡ билеле[8].

Өфөлә йәшәй һәм эшләй.

Ижады

Ирина Остиндың ижади формалашыуына Джон Колтрейн, Джошуа Редман, Джеки Террассон һәм Кассандра Уилсон ҙур йоғонто яһай.

Төрлө йылдарҙа йырсы билеле джаз музыканттары Игорь Бутман, Анатолий Соболев, Игорь Бриль, Анатолий Кролл, Валерий Пономарёв һәм башҡалар менән хеҙмәттәшлек итә.

Коллективтар

  • New quartet
  • «Өфө» джаз-квартеты
  • ОстинДжазБэнд

Дискографиясы

  • «Look to the Window» яңғыҙ альбомы[9].

Конкурстарҙа һәм фестивалдәрҙә ҡатнашыуы

Ирина Остин Рәсәйҙең «Jazz Birds»[10], «Джаз провинцияһы», «Һамарҙа джаз», «Тольяттиҙа джаз», «Ниндәй ғәжәп донъя», «ПроДжаз», «Джаз матурлығы», «Иҫке ҡәлғә янында джаз», «Алһыу пантера», шулай уҡ Канадалағы «Ontario Jazz» фестивалдәрендә ҡатнаша. Тольятти, Түбәнге Новгород, Новокузнецк, Силәбе ҡалаларында концерттар менән сығыш яһай.

Мәскәүҙә «Джаз тауыштары» фестивалендә Игорь Бриль, Сергей Оськин һәм Евгений Чистяков менән ансамблдә йырлай (программала Елена Шилкина псевдонимы менән күрһәтелә).

2005–2006 йылдарҙа Өфөлә «Джаз-Мастер» фестивален ойоштора, уға Өфөнөң төп джаз музыканттарын — саксофонистар Марат Юлдыбаев менән Олег Кирәевты, пианист Сергей Чипенконы, гитарист Игорь Трекусовты, трубасы Геннадий Калининды йыя.

«Күк ҡош» («Синяя птица») Бөтә Рәсәй йәш таланттар конкурсының төбәк этабы жюри ағзаһы[4], шулай уҡ Екатеринбургта үткән «Ритм-экспресс» Бөтә Рәсәй эстрада һәм джаз балалар-үҫмерҙәр конкурсы жюрийы ағзаһы[11].

Педагогик эшмәкәрлеге

1995 йылдан Өфө сәнғәт училищеһында джаз вокалы класын алып бара[3]. 2008 йылдан Сәнғәт академияһында вокалсылар өсөн джаз импровизацияһын уҡыта.

Үҙенең авторлыҡ методикаһын — вокал раскоординацияһын коррекциялау системаһын эшләй[9].

Ирина Остиндың уҡыусылары:

  • Земфира Рамазанова (Земфира);
  • Татьяна Ожиганова;
  • Дарья Лобанова;
  • Степан Вакеев;
  • Камилла Вильданова;
  • Злат Хабибуллин;
  • Ольга Абдуллина;
  • Мира Шарди;
  • Алина Владимирова;
  • Анна Жоссан;
  • Маргарита Сиамеди;
  • Наталия Дмитришина.

Ғәиләһе

  • Ире — Сергей Оськин, джаз контрабасисы[12].

Маҡтаулы исемдәре һәм башҡа наградалары

Ссылки

  1. ↑ https://bashmusic.net/ru/music/music-collection/jazz/view/playlist/id/565
  2. ↑ Ирина Остин. Уфимский джаз-клуб. Мөрәжәғәт итеү датаһы: 27 август 2026.
  3. ↑ 1 2 Джазствуйте, Ирина Остин! Вечерняя Уфа (1 декабрь 2015). Мөрәжәғәт итеү датаһы: 27 август 2026.
  4. ↑ 1 2 Юлия Лежень. Ирина Остин: «Я согласна с утверждением, что джаз – музыка не для всех». СобкорУфа (26 декабрь 2016). Мөрәжәғәт итеү датаһы: 27 август 2026.
  5. ↑ Вести. Интервью — Ирина Остин, певица. ГТРК «Башкортостан» (2 сентябрь 2016). Мөрәжәғәт итеү датаһы: 27 август 2026.
  6. ↑ Алиса Сабирова. Джазовые метаморфозы периода пандемии: фестиваль «Розовая пантера» в Уфе вернулся с карантина. Редакция «Джаз.Ру» (24 апрель 2021). Мөрәжәғәт итеү датаһы: 27 август 2026.
  7. ↑ В Уфе в 26-й раз прошёл международный джазовый фестиваль «Розовая пантера». ИА «Башинформ» (10 апрель 2023). Мөрәжәғәт итеү датаһы: 27 август 2026.
  8. ↑ Антон Сухарев. Город джазовых традиций. Журнал «Уфа» (сентябрь 2022). Мөрәжәғәт итеү датаһы: 27 август 2026.
  9. ↑ 1 2 Концерт памяти джазовых музыкантов. Культура и искусство Южного Урала. Мөрәжәғәт итеү датаһы: 27 август 2026.
  10. ↑ В Москве прошёл VII международный открытый джазовый конкурс-фестиваль Jazz Birds. jazzmap.ru (9 ноябрь 2022). Мөрәжәғәт итеү датаһы: 27 август 2026.
  11. ↑ XI Всероссийский детско-юношеский конкурс эстрады и джаза «РИТМ-ЭКСПРЕСС» в Екатеринбурге 2023. Форум Искусств (2023). Мөрәжәғәт итеү датаһы: 27 август 2026.
  12. ↑ Илюза Капкаева. Джаз-экспресс Ирины Остин. Вечерняя Уфа (8 март 2013). Мөрәжәғәт итеү датаһы: 27 август 2026.

Категориялар