Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Сардаров Эдуард Шаликоевич

Эдуард Шаликоевич Сардаров (рус. Сардаров Эдуард Шаликоевич; 1979 йылдың 15 ғинуары, Хандо (Грузия)[d], Самцхе-Джавахети[d]) — йәмәғәт эшмәкәре, шәхси эшҡыуар. Юрист. Башҡортостан Республикаһының 7-се саҡырылыш Дәүләт Йыйылышы — Ҡоролтай депутаты (2023 йылдан); ЛДПР фракцияһы етәксе урынбаҫары[1].

Биографияһы

Эдуард Шаликоевич Сардаров 1979 йылдың 15 ғинуарында Грузин ССР-ының Цалка районы Хандо ауылында тыуған. Юғары белемде Башҡорт дәүләт университетының Хоҡуҡ институтында ала (2001). Уҡыу йортон ҡыҙыл дипломға тамамлай[2].

Хеҙмәт эшмәкәрлеген «Газ-Сервис» асыҡ акционерҙар йәмғиәтендә әйҙәүсе юрисконсульт булып башлай (2001), һуңынан шунда уҡ бүлек начальнигы була.

2001—2004 йылдарҙа Башҡорт дәүләт университетында аспирантурала уҡый[3].

2014—2019 йылдарҙа Башҡортостан Республикаһының Өфө ҡалаһы ҡала округы хакимиәтенең Ер һәм милек мөнәсәбәттәре идаралығы начальнигы урынбаҫары булып эшләй[4].

2020—2023 йылдарҙа — Адвокаттарҙың Башҡортостан округ коллегияһы адвокаты. 2022 йылдан ЛДПР сәйәси партияһы ағзаһы[3]. 2023 йылдан — шәхси эшҡыуар[1].

2023 йылдың сентябрендә VII саҡырылыш Башҡортостан Республикаһы Дәүләт Йыйылышы — Ҡоролтай депутаты итеп һайланды[5].

Йәмәғәт эшмәкәрлеге

Рәсәй сәнәғәтселәр һәм эшҡыуарҙар союзы ҡарамағындағы Арбитраж үҙәгенең Волга-Урал территориаль коллегияһы арбитры. 2023 йылдан Башҡортостан Республикаһы Дәүләт Йыйылышы-Ҡоролтай депутаты. Парламенттың ЛДПР (рус.)баш. сәйәси партияһы фракцияһы етәксеһе урынбаҫары[1].

Ғаиләһе

Күп балалы атай — тормош иптәше менән өс ул тәрбиәләй[1].

Маҡтаулы исемдәре һәм башҡа бүләктәре

Башҡортостан Республикаһы Өфө ҡалаһы ҡала округы хакимиәте башлығының Рәхмәт хаты[1].

Иҫкәрмәләр

  1. ↑ 1 2 3 4 5 Сардаров Эдуард Шаликоевич. Государственное Собрание — Курултай Республики Башкортостан (Официальный информационный портал). Мөрәжәғәт итеү датаһы: 1 март 2026.
  2. ↑ Сардаров Эдуард Шаликоевич. Harant Поиск юристов. Мөрәжәғәт итеү датаһы: 1 март 2026.
  3. ↑ 1 2 Сардаров Эдуард Шаликоевич. ЛДПР Федеральный сайт. Мөрәжәғәт итеү датаһы: 1 март 2026.
  4. ↑ Управление земельных и имущественных отношений. Администрация городского округа город Уфа Республики Башкортостан. Мөрәжәғәт итеү датаһы: 1 март 2026.
  5. ↑ Полный список депутатов Государственного Собрания – Курултая Республики Башкортостан седьмого созыва. Газета «Единая Россия – Башкортостан». Мөрәжәғәт итеү датаһы: 12 март 2026.

Һылтанмалар

Тема буйынса өҫтәмә

Категориялар