Севилья Алькасары

Викидата элементы тултырылмаған

Севилья Алькасары (исп. Reales Alcázares de Sevilla) — Севилья ҡалаһында король алькасары (Әл-Әндәлүс, Испания). Башта маврҙарҙың форты булған, бер нисә тапҡыр киңәйтелгән.

Беренсе һарайҙы Әлмөхәдтәр династияһы төҙөгән. Хәҙерге комплекстың күпселек өлөшө Кастилия короле Педро I тарафынан ғәрәп ҡәлғәһе емереклектәрендә төҙөлгән, төҙөлөш башланыуын 1364 йыл тип фараз итәләр. Һарай мудехар архитектураһының һаҡланып ҡалған иң яҡшы өлгөләренең береһе булып тора. Һуңыраҡ өҫтәлгән (Карл V осоронда) готик элементтар доминант ислам стиле менән контрастҡа инә.

700 йыл дауамында был испания королдәре һарайы була. Алькасарҙың өҫкө бүлмәләре хәҙер ҙә король ғаиләһе тарафынан Севильяның рәсми резиденцияһы сифатында ҡулланыла.

Ҙурлығы буйынса Севилья Алькасары Гранадалағы Әл-Хәмрә ҡәлғәһе ансамбленән ҡалыша . Карл V бүлмәләрендә иҙәндәр, түшәмдәр һәм стеналар иң юғары нәзәкәт һәм зиннәтлелеккә өлгәшкән әҫәрҙәр булып тора. Илселәр залы (Salón de Embajadores). Ҡыҙҙар патиоһы (Patio de las Doncellas) биҙәлеше менән атаҡлы. Аллеялар буйлап хуш еҫле розалар һәм апельсин ағастары, матур итеп ҡырҡылған баҡсалар матурлыҡты тулыландыра.