Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Сәхих әл-Бохари

«Сәхих әл-Бохари», әл-Бохари Сәхихе (ғәр. صحيح البخاري‎) — сөнниҙәрҙең алты төп хәҙистәр йыйынтығының береһе (Күтүб әс-ситтә). Хәҙистәр урта быуат ислам дине белгесе Мөхәммәт әл-Бохари тарафынан, ике быуат дауамында был хәҙистәр телдән-телгә тапшырылып килгәндән һуң, йыйылған. Сөнниҙәр өсөн "Сәхих әл-Бохари " хәҙистәрҙең иң ышаныслы өс йыйынтығының береһе булып тора[1]. Ҡайһы бер дин белгестәре «Сахих әл-Бохари» ҙы Ҡөрьәндән ҡала иң ышаныслы ислам китабы тип иҫәпләй[2]. Ғәрәп һүҙе сахих ул хаҡ, дөрөҫ тип тәржемә ителә[3].

2021 йылдың декабрендә Татарстандың Лайыш суды «Сәхих әл-Бохари»ҙы экстремистик баҫма тип таный, ә 2022 йылдың 5 июлендә Татарстандың Юғары Суды тәҡдим ителгән ҡарарҙы раҫлай һәм 29 августа ошо нигеҙҙә РФ Юстиция Министрлығы «Сахих әл-Бохари» йыйынтығын экстремистик материалдар исемлегенә индерә[4] .

Атамаһы

Ибн әс-Сәләх хәбәренә ярашлы «Сәхих әл-Бохари»ның дөрөҫ атамаһы шулай: «Әл-жәмиғ әл-мүснәд әс-сәхих әл-мөхтәсәр мин үмүр рәсүли-Ллах үә сүнәни-һи үә ғәйәми-ҙи»[5]. Ибн Һажәр әл-Әсҡәләни шул уҡ исемде телгә ала, бары «үмүр» һүҙен «хәҙис» менән алмаштыра[6].

Хәҙистәр һаны

Ибн әс-Сәләх «Сәхих әл-Бохари»ҙа, ҡабатланғандарын да индереп, 7275 хәҙис бар, ҡабатланғандарын иҫәпкә алмағанда — 4000 хәҙис тип әйткән[2].

Иҫкәрмәләр

  1. ↑ Mabadi Tadabbur-i-Hadith, Amin Ahsan Islahi
  2. ↑ 1 2 Muqaddimah Ibn al-Salah, pg. 160-9 Dar al-Ma’aarif edition
  3. ↑ Meaning of sahih (недоступная ссылка — история). Islamic-Dictionary.com. Мөрәжәғәт итеү датаһы: 13 май 2010. Архивировано 14 февраль 2013 года.
  4. ↑ «Сахих аль-Бухари» внесен в список экстремистских книг. www.kommersant.ru (30 август 2022). Мөрәжәғәт итеү датаһы: 31 август 2022.
  5. ↑ «Сахих аль-Бухари» 2016 йылдың 13 октябрь көнөндә архивланған. // Энциклопедия хадисов
  6. ↑ Hadyi al-Sari, pg. 10.

Тема буйынса өҫтәмә

Категориялар