Усманов Миңнерәйес Мәрүән улы

Миңнерәйес Мәрүән улы Усманов 1940 йылдың 11 сентябрендә Башҡорт АССР-ының Ауырғазы районы Кәбәс ауылында тыуған.

Урта мәктәпте тамамлағас, 1959—1960 йылдарҙа «Челябинскшахтстрой» тресында мастер булып эшләй, шунан армиға алына. Демобилизацияланғас, 1964—1971 йылдарҙа «Салаватстрой» тресының 5-се төҙөлөш идаралығында мастер, прораб, өлкән прораб булып эшләй^[1]

1971 йылда Ҡазан дәүләт инженер-төҙөлөш институтын тамамлай.

1974—1975 йылдарҙа 4-се төҙөлөш идаралығын етәксеһе, артабан «Мелеузхимстрой» тресының 137-се ПМК-һы начальнигы була.

1975—1977 йылдарҙа «Ишимбайжилстрой»ҙың баш инженеры

1977 йылда «Салаватстрой» тресының баш инженеры, 1978 йылдан — ойошманың управляющийы.

1987—1988 йылдарҙа Башҡорт АССР-ының «Главбашстрой» төҙөлөш идаралығы начальнигы.

1988—1989 йылдарҙа «Башстрой» территориаль төҙөлөш берекмәһе начальнигы.

1989—1993 йылдарҙа Башҡорт АССР-ы һәм Башҡортостан Республикаһы Министрҙар Советы рәйесе урынбаҫары.

1993—2000 йылдарҙа — Башҡортостан Республикаһының премьер-министры урынбаҫары һәм бер үк ваҡытта республиканың төҙөлөш министры.

1997 йылда Ауырғазы районында яҙыусы, тарихсы, Хеҙмәт Геройы Ғәлимйән Ибраһимовтың тыуған ауылы Солтанморатта уға бағышланған музей төҙөлөшө өсөн Ғәлимйән Ибраһимов исемендәге премияға лайыҡ була^[2]

• «Почёт Билдәһе» ордены
• Хеҙмәт Ҡыҙыл Байраҡ ордены

Өйләнгән, ҡатыны менән өс бала тәрбиәләп үҫтергәндәр^[3]