Херсонес маяғы

Херсонес маяғы— Ҡырым ярымутрауының Херсонес моронондағы маяҡ. Административ йәһәттән Севастополь ҡалаһына ҡарай һәм уның көнбайыш нөктәһендә урынлашҡан.

Маяҡтың 36 метр бейеклектәге тимер-бетон башняһы аҡ инкерман ташы менән көпләнгән. Маяҡтың алыҫлыҡ хәрәкәте 16 миль. Утының төҫө — аҡ. Лампаның ҡеүәте — 1 КВт.^[1] Маяҡта шулай уҡ КРМ-30 радиомаяғы урынлашҡан, ул 150 милдән ашыу алыҫлыҡ хәрәкәтен тәьмин итә. Төнгө ваҡытта маяҡ бинаһы өҫтәлмә өс яҡтан яҡтыртыла.

Херсонес маяғы 1816 йылда төҙөлә. Шул уҡ йылда шул уҡ проект менән игеҙәк-маяк — Тарханкут маяғы төҙөлә. Бөйөк Ватан һуғышы йылдарында маяҡта Севастополь оборонаһының һуңғы ҡатнашыусылары һәләк була. Оборонаның һуңғы көндәренә тиклем маяҡ совет караптарына ҡалаға юл күрһәтә. Бында, маяҡ эргәһендә, Ҡырым һөжүм итеү операцияһы тамамлана. Һуғыш йылдарында маяҡ башняһы емерелә һәм 1950—1951 йылдарҙа тергеҙелә^[1]