Шимановский Шавель Наумович
Шимановский Шавель Наумович (10 май 1917 йыл — 10 февраль 2005 йыл) — нефть сәнәғәте эшмәкәре. 1943 йылдан «Башнефть» берекмәһенең өлкән инженеры, 1952 йылдан Ҡалтасы нефть промыслаһы директоры, 1955—1979 йылдарҙа «Ишембайнефть» нефть һәм газ сығарыу идаралығы начальнигы. Башҡорт АССР-ының атҡаҙанған нефтсеһе (1972), СССР-ҙың почетлы нефтсеһе (1977). Ике Хеҙмәт Ҡыҙыл Байраҡ (1959, 1971) һәм «Почёт Билдәһе» (1966) ордендары кавалеры. Ишембай ҡалаһының почетлы гражданы (1999)
Биографияһы
Шевель Наумович Шимановский 1917 йылдың 10 майында Киев губернаһының Радомыльск өйәҙе Горностайполь ҡалаһында тыуа. 1943 йылда Мәскәү нефть университетын тамамлай.
Юғары уҡыу йортон тамамлағандан һуң «Башнефть» берекмәһендә эшләй: тәүҙә өлкән инженер була, 1952 йылдан Ҡалтасы нефть промыслаһы директоры, 1955—1979 йылдарҙа — «Ишембайнефть» нефть һәм газ сығарыу идаралығы начальнигы.
Производство эшмәкәрлеге нефть ятҡылыҡтарын разведкалау һәм эшкәртеү менән бәйле. «Ишембайнефть» идаралығы начальнигы булып эшләгән осоронда Ишембай ҡалаһы инфраструктураһын үҫтереүгә ҙур өлөш индерә.
2005 йылдың 10 февралендә Ишембай ҡалаһында вафат була.
Маҡтаулы исемдәре һәм башҡа бүләктәре
- Ике Хеҙмәт Ҡыҙыл Байраҡ ордены (1959, 1971)
- «Почёт Билдәһе» ордены (1966)
- Ишембай ҡалаһының почетлы гражданы (1999).
Ғаиләһе
Иҫкәрмәләр
- ↑ Архивированная копия. Мөрәжәғәт итеү датаһы: 17 май 2015. Архивировано 30 август 2014 года. 2014 йылдың 30 август көнөндә архивланған.
- ↑ Архивированная копия. Мөрәжәғәт итеү датаһы: 17 май 2015. Архивировано 30 август 2014 года. 2014 йылдың 30 август көнөндә архивланған.
Һылтанмалар
- Шимановский Шавель Наумович // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелеү көнө: 8 май 2021)
- Почётные граждане города Ишимбая и Ишимбайского района 2020 йылдың 30 октябрь көнөндә архивланған.
Тема буйынса өҫтәмә
 |
|---|
