Рус телендәге версияМахсус проекттар
Күренеште көйләргәТелде алмаштырырғаМәғлүмәт
РУВИКИ ТУРАҺЫНДА

Шөғөрова Ғәлимә Әхмәткәрәй ҡыҙы

Ғәлимә Әхмәткәрәй ҡыҙы Шөғөрова (рус. Галима Ахметкареевна Шугурова; 1953 йылдың 8 ноябре, Омск ҡалаһы) — совет гимнасы, туғыҙ тапҡыр донъя чемпионы, 1973 йылғы абсолют донъя чемпионы һәм нәфис гимнастика буйынса тарихта беренсе абсолют Европа чемпионы (1978)[1]. СССР-ҙың атҡаҙанған спорт мастеры (1973), РСФСР-ҙың атҡаҙанған тренеры (1989), халыҡ-ара категориялы судья[2].

Биографияһы

1953 йылдың 8 ноябрендә Омск ҡалаһында себер татарҙары ғаиләһендә тыуған. Туғыҙ йәшендә «Красная звезда» спорт клубы ҡарамағындағы балалар-үҫмерҙәр спорт мәктәбендә нәфис гимнастика менән шөғөлләнә башлай. 1975 йылда Омск дәүләт физик культура институтын тамамлай[2]. 1953 йылдың 8 ноябрендә Омск ҡалаһында ғаиләһендә тыуған. Туғыҙ йәшендә «Красная звезда» спорт клубы ҡарамағындағы балалар-үҫмерҙәр спорт мәктәбендә нәфис гимнастика менән шөғөлләнә башлай. 1975 йылда Омск дәүләт физик культура институтын тамамлай[2].

Уның беренсе һәм берҙән-бер тренеры Галина Павловна Горенкова була. 13 йәшендә Шөғөрова илдең юниорҙар йыйылма командаһына инә[3].

Спорт карьераһы

1967 йылда РСФСР чемпионатында күпалышта көмөш, предметһыҙ күнегеүҙә алтын миҙал яулай[4].

1969 йылда Варналағы донъя чемпионатында күпалышта Мария Гигованан ҡала икенсе урынды ала, туп һәм скакалка менән күнегеүҙәрҙә еңә[4].

1973 йылда Роттердамдағы донъя чемпионатында күпалышта Мария Гигова менән беренсе урынды бүлешә. Шулай уҡ туп, булавалар һәм таҫма менән күнегеүҙәрҙә еңә. 1977 йылда Базелдә йәнә өс алтын миҙал — скакалка, обруч һәм туп менән күнегеүҙәрҙә яулай[1].

1978 йылда Мадридта нәфис гимнастика буйынса тәүге Европа чемпионатында абсолют чемпион була, скакалка һәм таҫма менән күнегеүҙәрҙә еңә[4] һәм туп менән күнегеүҙә көмөш миҙал ала[5]. Шул уҡ йылда спорт сығыштарын тамамлай[4].

Спорт ҡаҙаныштары

Донъя һәм Европа чемпионаттары

Йыл Ярыш Үткәреү урыны Һөҙөмтәләр
1969 Донъя чемпионаты Варна, Болгария Алтын — скакалка һәм туп; көмөш — күпалыш[5]
1971 Донъя чемпионаты Гавана, Куба Көмөш — туп; бронза — таҫма[5]
1973 Донъя чемпионаты Роттердам, Нидерланд Алтын — күпалыш, туп, булавалар һәм таҫма[1]
1977 Донъя чемпионаты Базель, Швейцария Алтын — скакалка, обруч һәм туп; көмөш — күпалыш һәм таҫма[5]
1978 Европа чемпионаты Мадрид, Испания Алтын — күпалыш, скакалка һәм таҫма; көмөш — туп[5]

Бөтә Союз ярыштары

  • СССР-ҙың абсолют чемпионы — 1970, 1972, 1973 һәм 1978 йылдар[1].
  • СССР кубогын яулаусы — 1973 йыл[5].

Тренер һәм йәмәғәт эшмәкәрлеге

1983 йылдан тренер булып эшләй. Людмила Томашевская менән бергә Сания Бабийҙы (Глызина)[4] — төркөм күнегеүҙәрендә 1988 йылғы Европа чемпионын һәм 1989 йылғы донъя чемпионын әҙерләй[5]. Омскиҙың нәфис гимнастика буйынса махсуслаштырылған балалар-үҫмерҙәр олимпия резервы спорт мәктәбендә эшләй[5].

1992—1996 йылдарҙа Рәсәй Олимпия комитетының вице-президенты вазифаһын биләй. Бөтә Рәсәй нәфис гимнастика федерацияһының төбәктәр менән бәйләнештәр буйынса вице-президенты була[1].

2024 һәм 2025 йылдарҙа Омскиҙа Галина Горенкова иҫтәлегенә үткәрелгән Бөтә Рәсәй ярыштарын ойоштороусылар Шөғөрованы турнирҙы тантаналы асыуға почётлы ҡунаҡ итеп саҡыра[6][7].

Маҡтаулы исемдәре һәм башҡа наградалары

Шәхси тормошо

Шөғөрованың ике улы — Рафаил һәм Марат бар[1].

Исеме

Баҫмаларҙа уның исемен ҡайһы саҡта яңылыш Галина тип күрһәткәндәр[4].

Иҫкәрмәләр

  1. ↑ 1 2 3 4 5 6 «Золотая рыбка» художественной гимнастики. Советский спорт (9 ноябрь 2003). Мөрәжәғәт итеү датаһы: 6 октябрь 2026.
  2. ↑ 1 2 3 4 Омичам расскажут о Галиме Шугуровой. Администрация города Омска. Мөрәжәғәт итеү датаһы: 6 октябрь 2026.
  3. ↑ Анатолий Шелухин. Галима Шугурова: я летала со второго этажа. Труд (28 ноябрь 2003). Мөрәжәғәт итеү датаһы: 6 октябрь 2026.
  4. ↑ 1 2 3 4 5 6 «Ветераны художественной гимнастики». Первая в истории чемпионка Европы Галима Шугурова. Академия художественной гимнастики «Небесная грация» (4 ноябрь 2023). Мөрәжәғәт итеү датаһы: 6 октябрь 2026.
  5. ↑ 1 2 3 4 5 6 7 8 9 10 ШУГУРОВА Галима Ахметкареевна. Спортивная Россия. Мөрәжәғәт итеү датаһы: 6 октябрь 2026.
  6. ↑ Мемориал Г. Горенковой. Омский областной фонд поддержки спорта (22 ноябрь 2024). Мөрәжәғәт итеү датаһы: 6 октябрь 2026.
  7. ↑ Мемориал памяти Г. П. Горенковой. Омский областной фонд поддержки спорта. Мөрәжәғәт итеү датаһы: 6 октябрь 2026.

Һылтанмалар

Категориялар