Эйсебио

Эузебиу да Феррейра Силва (порт. Ferreira Eusébio da Silva; португалса әйтелеше: [ˈsiɫvɐ ewˈzɛβju fɨˈʁɐjɾɐ ðɐ]; 25 ғинуар 1942 йыл — 5 ғинуар 2014 йыл), Эузебиу булараҡ нығыраҡ билдәле (СССР һәм Рәсәй киң мәғлүмәт сараларында Эйсебио тип яҙыу ҡалыплашҡан) — Мозамбик сығышлы Португалия футболсыһы, һөжүмсе. Африканан сыҡҡан беренсе бөйөк футболсы. Лиссабондың «Бенфика»һы һәм Португалия йыйылма командаһы өсөн сығыш яһауы менән билдәле. «Бенфика» составында 715 уйын уйнай (иптәштәрсә матчтарҙы ла индереп) һәм 727 гол керетә^[6]. Португалия йыйылма командаһы өсөн 64 уйын уйнай, 41 гол индерә^[7][8].

1966 йылғы Донъя чемпионатының бронза призеры. 11 тапҡыр Португалия чемпионы, биш тапҡыр Португалия Кубогын яулаусы, 1961/62 йылдар миҙгелендә Европа чемпиондары кубогына эйә була^[9], Төньяҡ Америка футбол лигаһы чемпионы

1954—2003 йылдарҙа Португалияның иң яҡшы футболсыһы^[10][11], 1965 йылда Европаның иң яҡшы футболсыһы^[12][13], ике тапҡыр Португалияның иң яҡшы футболсыһы (был исемгә иң беренсе эйә була)^[14], 1966 йылғы чемпионаттың иң яҡшы бомбардиры^[15], Португалия чемпионатының ете тапҡыр иң яҡшы бомбардиры^[16], Европа чемпиондары кубогының өс тапҡыр иң яҡшы бюомбардиры^[17][18][19], ике тапҡыр «Алтын бутса» яулай (уның беренсе эйәһе)^[20][21][22]. МФФИИС версияһы буйынса XX быуаттың иң яҡшы футболсылары исемлегендә туғыҙынсы урында тора^[23], МФФИИС версияһы буйынса XX быуатта Европаның иң яҡшы футболсылары исемлегендә алтынсы урында^[24], World Soccer версияһы буйынса XX быуаттың бөйөк футболсылары исемлегендә унынсы урында^[25], Placar версияһы буйынса XX быуаттың 100 бөйөк футболсыһы исемлегендә^[26], Sportivo^[27] Foot һәм Planète^[28] версияһы буйынса XX быуаттың 50 бөйөк футболсыһы исемлегендә, ФИФА 100 исемлегенә инә^[29], барлыҡ замандарҙа ла Португалия чемпионатының иң яҡшы бомбардирҙары исемлегендә икенсе урында тора, 1966 йылдан илдең символик йыйылма командаһы ағзаһы.