Ғайсин Усман Барый улы
Усман Барый улы Ғайсин (рус. Гайсин Усман Бариевич; 1954 йылдың 12 ғинуары) — тарихсы-ғалим, юғары мәктәп уҡытыусыһы. Тарих фәндәре докторы (2000), профессор (2005).
Биографияһы
Усман Барый улы Ғайсин 1954 йылдың 12 ғинуарында Төрөкмән ССР-ы Байробан ауылында тыуған. Бала, үҫмер һәм йәшлек йылдары Башҡорт АССР-ы Мәләүез районы Смаҡ ауылында үтә. 1985 йылда Башҡорт дәүләт университетын тамамлай.
1985—1997 йылдарҙа һәм 2000 йылдан алып Өфө дәүләт нефть техник университеты уҡытыусыһы, 2002 йылдан 2016 йылға тиклем — Өфө дәүләт авиация техник университетының тарих һәм культурология кафедраһы мөдире[1].
Ғилми эштәре
Фәнни тикшеренеүҙәре совет дәүләтенең йәштәр сәйәсәтенә, Урал йәштәренең Бөйөк Ватан һуғышында ҡатнашыуына арналған. 50-нән ашыу фәнни хеҙмәт авторы[2].
Хеҙмәте
- Вклад молодежи Урала в Великой Отечественной войне. — Уфа, 1999[2].
Иҫкәрмәләр
- ↑ Гайсин Усман Бариевич. УГАТУ. Мөрәжәғәт итеү датаһы: 18 февраль 2026.
- ↑ 1 2 12 января исполняется 70 лет доктору исторических наук, профессору ГайсинкУ Усману Бариевичу. Башэнциклопедия. Мөрәжәғәт итеү датаһы: 18 февраль 2026.
Сығанаҡтар
- Ғайсин Усман Барый улы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.