Ғәлин Альберт Феликс улы

Альберт Феликс улы Ғәлин 1960 йылдың 5 апрелендә Омск ҡалаһында тыуған. Дөйөм урта белемгә эйә булғандан һуң юғары белемде Урал дәүләт университетында эстәй. 1982 йылда вуз тамамлауы тураһында диплом ала. Хеҙмәт юлын Башҡорт дәүләт педагогия институтының Философия кафедраһы уҡытыусыһы булып башлай, бер үк ваҡытта Башҡорт дәүләт университетында аспирантурала уҡый һәм уны 1988 йылда философия фәндәре кандидаты дәрәжәһендә тамамлай. 1991 йылға тиклем бер урында эшләй. Һуңынан, 1997 йылға тиклем шәхси компанияларҙа маркетолог, социолог була. 1997—2010 йылдарҙа — Башҡортостан Республикаһы Президенты Хакимиәтенең Мәғлүмәт-аналитика бүлегенең баш белгесе, мөдире. 2011 йылда Башҡортостан Республикаһы Президенты ҡарамағындағы Башҡортостан дәүләт хеҙмәте һәм идара итеү академияһында Идара итеү һәм дәүләт хеҙмәте проблемалары ғилми-тикшеренеү үҙәге етәксеһенең урынбаҫары булып эшләй. Шул уҡ йылда БР Президенты Хакимиәтенең мәғлүмәт-аналитика бүлеге мөире итеп күсерелә^[1].

Альберт Феликс улының фәнни эшмәкәрлеге идара итеү эшмәкәрлеген социологик һәм мәғлүмәт йәһәтеннә тәьмин итеүгә ҡағыла. Ул алты фәнни хеҙмәт авторы^[1].

Башҡортостан Республикаһының Почет грамотаһы (2010)^[1]

1. Галин А. Ф. Общественное мнение о состоянии межнациональных отношений в Республике Башкортостан// Экономика и управление. – 2011. – No 5. – С.18-23.
2. Галин А. Ф. Общественное мнение о ситуации в Республике Башкортостан// Вестник Центральной избирательной комиссии Республики Башкортостан. – 2011. – No 1/15. – С. 4-6.