Әбделмәнов Рим Сәлимйән улы
Әбделмәнов Рим Сәлимйән улы (7 сентябрь 1956 йыл) — балет артисы, педагог, юғары мәктәп уҡытыусыһы. Башҡорт АССР-ының халыҡ артисы (1989).
Биографияһы
Рим Сәлимйән улы Әбделмәнов 1956 йылдың 7 сентябрендә Башҡорт АССР-ының Ғафури районы Оло Ибраһим ауылында (хәҙер Башҡортостан Республикаһы Ғафури районы Ибраһим ауылы) тыуған.
1996 йылда Рәсәй Театр сәнғәте академияһын тамамлай (педагогтары Е. П. Валукин, Л. М. Таланкина).
1973 йылдан Фәйзи Ғәскәров исемендәге халыҡ бейеүҙәре ансамбленең солисы, 1989 йылдан педагог-репетиторы булып эшләй[1].
ВЭГУ доценты, Башҡорт педагогия университеты уҡытыусыһы.
Ғаиләһе: ҡатыны — Башҡортостан Республикаһы атҡаҙанған артисы Гүзәлиә Әбделмәнова, 1993 йылдан Башҡорт дәүләт опера һәм балет театрында балет труппаһы директоры булып эшләй. Ҡыҙы Әбделмәнова Флүрә — Фәйзи Ғәскәров исемендәге ансамбль солисы.
Ижады
Рим Сәлимйән улы — «Азамат», «Гөлнәзирә», «Еҙ үксә», «Салауат», «Төньяҡ амурҙары», «Һунарсы», «Перовский» бейеүҙәрендә яңғыҙ бейеү һәм партияларҙы башҡарыусы.
Маҡтаулы исемдәре һәм башҡа бүләктәре
- Башҡорт АССР-ының атҡаҙанған артисы (1983)
- Башҡорт АССР-ының халыҡ артисы (1989)
- Рәсәй Федерацияһының атҡаҙанған артисы (1998)
Һылтанмалар
- Әбделмәнов Рим Сәлимйән улы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелеү көнө: 6 сентябрь 2021)
- http://www.journal-ufa.ru/index.php?id=2387&num=120
Иҫкәрмәләр
- ↑ Персонал ГААНТ имени Файзи Гаскарова 2013 йылдың 3 декабрь көнөндә архивланған.