Tamweelcom
| Jordan Micro Credit Company (Tamweelcom) | |
|---|---|
| Тип | бизнес |
| Нигеҙләнгән | 1999 |
| Урынлашыуы | Амман (Иордания) |
| Төп фигуралар | Зияд Аль Рифей (ингл. Ziad Al Refai) |
| Тармаҡ | Микрокредитлау |
| Сайт | tamweelcom.org |
Jordan Micro Credit Company — Иорданияла Tamweelcom сауҙа маркаһы аҫтында эшләүсе шәхси микрофинанслау компанияһы, төбәк ҡатын-ҡыҙҙарына эшҡыуарлыҡ эшмәкәрлегенә микрокредиттар биреүҙә махсуслаша[1][2].
Ойошторолоуы
Jordan Micro Credit Company (Tamweelcom) 1999 йылдың 20 июнендә башта коммерцияға ҡарамаған ойошма булараҡ нигеҙләнә[1], артабан король ғаиләһе милкенә ҡараған Noor Al-Hussein Foundation яуаплылығы сикләнгән йәмғиәте булараҡ теркәлә һәм король ғаиләһе тарафынан финанслана[3][4]. Иордания короле ғаиләһенән тыш инвестициялар грант рәүешендә АҠШ Халыҡ-ара үҫеш агентлығынан (USAID), кредит рәүешендә урындағы һәм халыҡ-ара сығанаҡтарҙан[3], шул иҫәптән Халыҡ-ара финанс корпорацияһынан килә[5].
Tamweelcom һүҙе ғәрәп теленән «һиинең финансың» тип тәржемә ителә[2].
Компанияның штаб-фатиры Амманда(Иордания) урынлашҡан[1].
Jordan Micro Credit Company'ҙың башҡарма директоры 2006 йылдан алып Зияд әл Рефаи (ингл. Ziad Al Refai)[1][6].
Эшмәкәрлеге
Tamweelcom өйҙә бәләкәй эшҡыуарлыҡ менән шөғөлләнгән йә лицензияланмай торған ҙур булмаған проекттарҙы алып барған ҡатын-ҡыҙҙар төркөмдәренә заемдар бирә[1].
Компания шулай уҡ пенсияға сыҡҡан хәрбиҙәргә һәм дәүләт хәүефһеҙлеге хеҙмәткәрҙәренә булышлыҡ күрһәтә[1].
Кредит алыусының мәрхүм булыуы йә инвалидлыҡ алыуы осрағына микростраховкалау тормошҡа ашырыла[1].
Компания шулай уҡ финанстарға ҡарамаған хеҙмәттәр ҙә күрһәтә — эшҡыуарлыҡ селтәрҙәре һәм клиенттары өсөн тауар йәрминкәләре ойоштора[1].
Коммерция эшмәкәрлегенән тыш компания уҡыуға гранттар бирә, түләүһеҙ медицина консультациялары үткәрә һәм кәрәкле дарыу препараттары тәҡдим итә[1]. Эш шарттарын яҡшыртыу буйынса программаларҙы, шулай уҡ комплекслы маркетинг проекттарын тормошҡа ашыра[1].
Tamweelcom төбәктә эшҡыуарлыҡҡа булышлыҡ итә, ошо өлкәлә йәштәр өсөн Fekrati Award for Entrepreneurship премияһын булдырған[4].
Эшмәкәрлек күрһәткестәре
2012 йылдың мартына Tamweelcom'дың 59 563 әүҙем заемсыһы була, уларҙың бөтәһенең кредит портфеле 21 миллион АҠШ доллары тәшкил итә[7].
Наградалары һәм премиялары
Tamweelcom етәксеһе 2009 йылда Зияд әл Рефаи Шваб фонды тарафынан йылдың социаль эшҡыуары тип табылды[6][8].
Иҫкәрмәләр
- ↑ 1 2 3 4 5 6 7 8 9 10 Company Overview of Jordan Micro Credit Company (Tamweelcom) (ингл.). Bloomberg. Дата обращения: 13 июнь 2015.
- ↑ 1 2 Oxford Microfinance Initiative (ингл.). Дата обращения: 13 июнь 2015.
- ↑ 1 2 http://www.nooralhusseinfoundation.org/index.php?pager=end&task=view&type=content&pageid=34. Jordan Micro Credit Company (Tamweelcom) (ингл.). Noor AlHussein Foundation. Дата обращения: 13 июнь 2015. 2015 йылдың 15 июнь көнөндә архивланған.
- ↑ 1 2 Tamweelcom, Silatech Launch Fekrati Award for Entrepreneurship (ингл.). silatech.com (6 февраль 2014). Дата обращения: 13 июнь 2015. 2015 йылдың 15 июнь көнөндә архивланған.
- ↑ Tamweelcom (ингл.). Международная финансовая корпорация (2010). Дата обращения: 13 июнь 2015. 2015 йылдың 16 июнь көнөндә архивланған.
- ↑ 1 2 Ziad Al Refai (билдәһеҙ). Всемирный экономический форум. Дата обращения: 13 июнь 2015. 2015 йылдың 15 июнь көнөндә архивланған.
- ↑ Jordan Micro Credit Company (Tamweelcom) (ингл.). Grameen - Jameel. Дата обращения: 13 июнь 2015. 2015 йылдың 27 май көнөндә архивланған.
- ↑ Social Entrepreneurs award (ингл.). The Jordan Times (17 май 2009). Дата обращения: 13 июнь 2015. 2015 йылдың 4 июнь көнөндә архивланған.
Һылтанмалар
- Рәсми сайт: tamweelcom.org