Абрарова Зинира Фоат ҡыҙы
| Ғилми дәрәжә | философия фәндәре кандидаты[d] |
|---|---|
| Гражданлығы | |
| Заты | ҡатын-ҡыҙ |
| Уҡыу йорто |
|
| Ғилми исеме | доцент |
| Эш урыны | |
| Һөнәр төрө | уҡытыусы |
| Тыуған урыны | |
| Тыуған көнө | 16 декабрь 1972 (52 йәш) |
Абрарова Зинира Фоат ҡыҙы (16 декабрь 1972 йыл) — философ, социолог. Философия фәндәре кандидаты (2011). Доцент[1]. Социология магистры (2012). РФ Эске эштәр министрлығының Иҡтисади именлек академияһы Маҡтау ҡағыҙы (2007)[2].
Биографияһы
Зинира Фоат ҡыҙы Абрарова 1972 йылдың 16 декабрендә Башҡорт АССР-ының Ҡариҙел районы Торна ауылында тыуа. Урта мәктәптән һуң Бөрө дәүләт педагогия институтында белем ала һәм уны 1996 йылда тамамалай. 2004—2006 йылдарҙа Башҡорт дәүләт университетының (хәҙер — Өфө Фән һәм технологиялар университеты) Философия һәм социология факультеты деканатының әйҙәүсе инженеры булып эшләй. Һуңынан 2008 йылға тиклем РФ Эске эштәр минитсрлығының Иҡтисади именлек академияһының уҡыу-методика бүлеге мөдире була. Артабан ике йыл ҡабат БДУ-лағы үҙ эшенә кире ҡайта. 2011 йылдан ошо уҡ уҡыу йортоноң Ҡулланма һәм тармаҡ социологияһы кафедраһының өлкән уҡытыусыһы, Философия һәм социология факультеты деканының тәрбиә[2], фән[3] эше буйынса урынбаҫары.
Фәнни эшмәкәрлеге
Зинира Фоат ҡыҙының фәнни эшмәкәрлеге мәҙәниәт социологияһын тикшереүгә бағышлана. 15 ғилми хеҙмәт авторы[2].
Маҡтаулы исемдәре һәм башҡа бүләктәре
РФ Эске эштәр министрлығының Иҡтисади именлек академияһы Маҡтау ҡағыҙы (2007).
Башҡортостан Республикаһы Эске эштәр министрлығының рәхмәт хаты (2007).
«Мәғарифты үҫтереүгә индергән өлөшө өсөн» миҙалы (2008).
«Рәсәйҙең киләсәге — һәләтле балалар» энциклопедияһы ҡатнашыусыһы, «Уҡытыусы» номинацияһы димломы (2008).
Башҡорт дәүләт университетының Маҡтау ҡағыҙы (2011)[2]
Иҫкәрмәләр
- ↑ Абрарова Зинира Фоатовна 2022 йылдың 2 март көнөндә архивланған.
- ↑ 1 2 3 4 Коллектив авторов. Социологи Башкортостана:Справочник:2-е изд. дополненное и переработанное / Бурханова Ф. Б.. — Уфа: Восточная печать, 2012. — С. 108—109. — 141 с. — ISBN 978-5-98755-121-2.
- ↑ Программа Всероссийской научно-практической онлайн-конференции
Сығанаҡтар
- Коллектив авторов. Социологи Башкортостана:Справочник:2-е изд. дополненное и переработанное / Бурханова Ф. Б.. — Уфа: Восточная печать, 2012. — С. 108—109. — 141 с. — ISBN 978-5-98755-121-2.