Адыгей дәүләт университеты

Адыгей дәүләт университетының тарихы 1940 йылда башлана, ошо йылда Майкоп уҡытыусылар институты асыла, 1952 йылдан ул Адыгей педагогия институты, ә 1993 йылдан — дәүләт университеты. Хәҙерге осорҙа Адыгей дәүләт университеты Адыгей Республикаһының алдынғы уҡыу һәм тикшеренеү үҙәге булып тора.

• Институттары:
  • Сәнғәт институты
  • Физик культура һәм дзюдо институты
  • Комплекслы проблемалар ғилми-тикшеренеү институты

• Факультеттары:
  • математика һәм компьютер фәндәре
  • инженер-физика
  • тәбиғәт белеме
  • тарих
  • филология
  • адыгей филологияһы һәм мәҙәниәте
  • сит телдәр
  • юридик
  • иҡтисад
  • педагогия
  • социаль технологиялар һәм туризм
  • халыҡ-ара

Университеттың Апшеронск, Белореченск, Ейск, Новокубанск, Сочи ҡалаларында, Кошехабль.ауылында филиалдары бар.

Университетта уҡытыу юғары һәм урта һөнәри белембиреүҙең 42 һөнәре буйынса алып барыла.

Университетта яҡынса 12 000 студент уҡый, шуларҙың 2 меңгә яҡыны — сит ил студенты.

Уҡытыусылар составы — яҡынса 650 кеше, шуларҙан 100 самаһы фән докторы һәм 400 тирәһе фән кандидаты.

Университеттың адресы: Рәсәй, 385000, Майкоп ҡалаһы, Беренсе май урамы, 208.

Университет ректоры — Мамий Дауыт Казбекович.

• Ячик Александр Карухович
• Хутыз Ким Консаович
• Хунагов Рәшит Думаличевич (1996-2019 йй.)
• Мамий Дауыт Казбекович (2019 йылдан)