Ануфриев Владимир Борисович
| Гражданлығы | |
|---|---|
| Заты | ир-ат |
| Уҡыу йорто | |
| Тыуған көнө | 29 март 1983 (42 йәш) |
| Вазифа биләй | директор[d] |
| Һөнәр төрө | финансист, иҡтисадсы |
| Тыуған урыны | |
| Ойошма ағзаһы | Рәсәй Федерацияһы Коммунистар партияһы и Башҡортостан Республикаһының Дәүләт Йыйылышы — Ҡоролтай |
Ануфриев Владимир Борисович (29 март 1983 йыл) — дәүләт эшмәкәре, «Башҡортостан сода компанияһы» акционерҙар йәмғиәтенең хеҙмәткәрҙәр менән идара итеү һәм дөйөм мәсьәләләр буйынса директоры. Башҡортостан Республикаһының 6-сы һәм 7-се саҡырылыш Дәүләт Йыйылышы — Ҡоролтай депутаты[1] (2023 йылдан).
Биографияһы
Владимир Борисович Ануфриев 1983 йылдың 29 мартында Башҡорт АССР-ының Стәрлетамаҡ ҡалаһында тыуа. Урта мәктәпте тамамлағандан һуң юғары белемде Бөтә Рәсәй ситтән тороп уҡыу финанс-иҡтисад институтында «Финанстар һәм кредит» һөнәре буйынса ала[2].
Хеҙмәт эшмәкәрлеген 2001 йылда «Сода» асыҡ акционерҙар йәмғиәтендә бухгалтер булып башлай. Артабан шул уҡ ойошмала әйҙәүсе иҡтисадсы, социаль үҫеш хеҙмәте начальнигы, баш бухгалтер урынбаҫары була.
2011 йылдан — директорҙың иҡтисад һәм финанстар буйынса урынбаҫары[2].
2014—2017 йылдарҙа «Башҡортостан сода компанияһы» акционерҙар йәмғиәте директорының ойоштороу һәм кадрҙар мәсьәләһе буйынса урынбаҫары, 2017 йылдан — хеҙмәткәрҙәр менән идара итеү һәм дөйөм мәсьәләләр буйынса директор[1].
Йәмәғәт эшмәкәрлеге
Башҡортостан Республикаһының Стәрлетамаҡ ҡалаһы ҡала округы советы депутаты була (2016)[2]. 2023 йылдан Башҡортостан Республикаһының 7-се саҡырылыш Дәүләт Йыйылышы — Ҡоролтай депутаты.
Парламенттың Сәнәғәт, инновацион үҫеш, сауҙа, эшҡыуарлыҡ һәм туризм буйынса комитет, Электрон системаны ҡулланып тауыш биреүҙе контролләү комиссияһы ағзаһы[3].
Ғаиләһе
Өйләнгән, ике ҡыҙ атаһы[1].
Маҡтаулы исемдәре һәм башҡа бүләктәре
• Башҡортостан Республикаһының Сәнәғәт, энергетика һәм инновациялар министрлығының Маҡтау ҡағыҙы (2021)
• «Стәрлетамаҡ ҡалаһы алдындағы ҡаҙаныштары өсөн» билдәһе (2016)[1].
• Башҡортостан Республикаһы хәрби комиссарының грамотаһы (2017)[4].