Арғымаҡ (төркөм)
| Арғымаҡ | |
|---|---|
| Йылдар | 1989 |
| Ил |
 Рәсәй Федерацияһы |
| Ҡала | Өфө |
| Йырҙар теле | башҡорт |
| Состав | Ринат Рамазанов |
Арғымаҡ — музыкаль төркөм, этно-рок жанрында йырҙар башҡара. 2009 йылда төҙәлгән.
Тарихы
2009 йылда Өфө сәнғәт институтында ойошторола. 2015 йылдан Башҡорт дәүләт филармонияһында эшләй. «Арғымаҡ» төркөмө төрлө йүнәлеш һәм жанрҙарҙың (фолкрок, регги, дабстеп, трэп, нашд һ.б.), заманса музыка саралары менән милли көйҙөң берләшеүе, башҡорттарҙың һәм донъялағы башҡа халыҡтарҙың халыҡ музыка ҡоралдарын ҡулланыу хас.
Коллективтың инструменталь составы нигеҙендә ҡурай, думбыра, ҡумыҙ, ҡыл-ҡумыҙ, дөңгөр, гитара, бас һәм һуҡма ҡоралдар менән бергә өзләү, шулай уҡ төрлө халыҡтарҙың уйын ҡоралдары ҡулланыла.
Солист һәм художество етәксеһе, Башҡортостан Республикаһының атҡаҙанған артисы — Ринат Рамазанов.
Төркөм Мексикала Бөтә донъя фольклориадаһында (Сакатекас ҡалаһы, 2016), 1-се «Ебәк юлы» халыҡ-ара фестивалендә (Цзяюйгуань ҡалаһы, Ҡытай, 2017) һәм башҡа фестивалдәрҙә ҡатнаша. «Күсмә халыҡтар донъяһы» халыҡ-ара этнофестивалендә (Эр-Рияд ҡалаһы, Сәғүд Ғәрәбстаны Короллеге, 2019) Гран-при яуланы. «Керәшен һыуыҡтары» асыҡ эстрада йыры һәм бейеү фестиваль-конкурсы (Бөрө ҡалаһы, 2012). Бөтә Рәсәй йәштәр проекттары конкурсы еңеүсеһе (Ҡырым, 2019). «Усилди-Хур болот» халыҡ-ара тере музыка һәм ышаныу (Тыва Республикаһы, 2010), халыҡ сәнғәте һәм «Садко» һөнәрҙәр (Бөйөк Новгород ҡалаһы, 2011) фестивалдәре лауреаты.
Репертуары
Башҡорт халыҡ йырҙары: «Байыҡ», «Ҡара юрға», «Ирәндек», «Ҡарабай», «Любизар» һәм башҡалар. Инструменталь көйҙәр: «Йәйәүле Мәхмүт», ҡобайырҙар («Балҡантау», «Урҙың байыҡмауы») һәм башҡалар.
Һылтанмалар
- Аргамак // Фольклор народов Башкортостана = Folklore of Bashkortostan peoples: энциклопедия / [Науч.-ред. коллегия: Ф. А. Надршина (гл. ред.), С. И. Апсатарова, Л. А. Афанасьева, В. Я. Бабенко, Ф. Г. Галиева, М. Х. Идельбаев, И. Е. Карпухин, Т. Г. Миннияхметова, И. Г. Петров, Р. Р. Садиков, У. Г. Саитов (отв. ред.), Р. А. Султангареева, И. К. Фазлутдинов, Г. Р. Хусаинова;. — Пер. на англ. яз.: ООО «Центр межкультурного сотрудничества»]. — Уфа: ГАУН «Башкирская энциклопедия», 2020. — ISBN ISBN 978-5-88185-474-4 (в пер.).
- Единый портал культура народов Республики Башкортостан
- «Бәйләнештә» социаль селәтерендә Группа АРГАМАК