Бағышаева Зарина Урал ҡыҙы
Бағышаева Зарина Урал ҡыҙы (Назырова, 13 ноябрь 1990 йыл) — шағирә, уҡытыусы. Рәсәй Федерацияһы һәм Башҡортостан Республикаһы Яҙыусылар берлеге ағзаһы (2014).
Биографияһы
Зарина Урал ҡыҙы Бағышаева 1990 йылдың 13 ноябрендә Башҡорт Совет Социалистик Республикаһының Йылайыр районы Һабыр ауылында тыуған[1].
Башҡорт дәүләт университетының Башҡорт филологияһы һәм журналистика факультетын ҡыҙыл дипломға тамамлай (2013)[2]. Вузда уҡыу йылдарында Мостай Кәрим[3], М. Аҡмулла, Башҡортостан Республикаһы Президенты[4] премиялары стипендиаты була. Уҡыуҙағы айырым ҡаҙаныштары өсөн 2016 йылда М. Кәрим исемендәге грант яулай.
«Башҡорт теле һәм әҙәбиәте уҡытыусыһы — 2024» XXIX Төбәк-ара конкурсы лауреаты. Финанс университетының Өфө филиалында уҡыта[1].
Ижады
Мәктәп йылдарынан шиғырҙар яҙа. «Тамсы йыры» (2006), «Яҙ бүләге» (2012), «Әсәй ҡабыҙған йондоҙ» шиғырҙар йыйынтығы авторы. «Аманат» балалар-үҫмерҙәр журналы менән әүҙем хеҙмәттәшлек итә. 2014 йылдан Рәсәй Федерацияһы һәм Башҡортостан Республикалары Яҙыусылар берлеге ағзаһы[1]. Кристина Андрианова-Книга тәржемәһендә шиғырҙары "Литературная газета"ла баҫыла (2024)[5].
Маҡтаулы исемдәре һәм башҡа бүләктәре
• «Башҡорт теле һәм әҙәбиәте уҡытыусыһы — 2024» XXIX Төбәк-ара конкурсы лауреаты (2024).
• «Серебряная ГаZета» Бөтә Рәсәй Эшлекле журналистика конкурсының «Дебют» номинацияһы еңеүсеһе (2021)[6].
Иҫкәрмәләр
- ↑ 1 2 3 Зарина Багишаева. Зилаирские сосны
- ↑ Багишаева Зарина
- ↑ 2011-2012 учебный год
- ↑ О назначении стипендий Президента Республики Башкортостан в 2012—2013 учебном году
- ↑ Лететь и не чувствовать страх
- ↑ Преподаватель филиала Назырова Зарина Ураловна стала победителем конкурса деловой журналистики «Серебряная ГаZета» в номинации «Дебют»