Борисов Константин Алексеевич
Борисов Константин Алексеевич (10 июнь 1945 йыл) — энергетик-инженер, энергетика тармағы, партия, урындағы башҡарма, муниципаль һәм дәүләт органдары хеҙмәткәре, йәмәғәтсе. 1992 — 2001 йылдарҙа Башҡортостан Республикаһының Сауҙа-сәнәғәт палатаһы рәйесе. Башҡорт АССР-ының 12-се саҡырылыш Юғары Советы депутаты. Милләте — урыҫ [1]
Биографияһы
Константин Алексеевич Борисов1945 йылдың 10 июнендә Иваново ҡалаһында тыуған.
1966 йылда Иваново энергетика институтын тамамлаған.[2]
Хеҙмәт эшмәкәрлеген 1961 йылда "Красная Талка" фабрикаһында эшсе булып башлаған.
1971 - 1974 йылдарҙа Совет Армияһы сафында хеҙмәт иткән. Армияла хеҙмәт итеп ҡайтҡас, Өфө ТЭЦ-2 предприятиеһында өлкән инженер булып эшләгән.
Артабан КПСС-тың Өфө ҡала комитетында инструктор, Октябрь район комитетында секретарь, икенсе секретарь. Октябрь район Советы башҡарма комитеты рәйесе булған.
1990-1992 йылдарҙа – халыҡ депутаттарының Өфө ҡала Советы башҡарма комитеты рәйесе.
1992 йылдан - Башҡортостан Республикаһының Сауҙа-сәнәғәт палатаһы рәйесе вазифаһында эшләй. 2001 йылдан – Энергоресурстарҙы транспортлау проблемалары институтының генераль директоры урынбаҫары (ИПТЭР, Өфө ҡалаһы)[3] Өфө ҡалаһының 51-се Яңы Александровка һайлау округы буйынса Башҡорт АССР-ының 12-се саҡырылыш Юғары Советы депутаты итеп һайлана [4][5]
Ғаиләһе
Өйләнгән, ғаиләһендә бер ул тәрбиәләп үҫтергәндәр.
Ҡарағыҙ
[[Башҡорт АССР-ының 12-се саҡырылыш Юғары Советы депутаттары исемлеге]]
Иҫкәрмәләр
- ↑ Народные депутаты Республики Башкортостан. Двенадцатый созыв. - Уфа, Китап, 1994. - с. 95.
- ↑ Борисов Константин Алексеевич// Парламентаризм в Башкортостане: история и современность. — Т. 2. — Уфа, 2005.удк 930 5-8258-0204-5ISBN
- ↑ ИПТЭР(недоступная ссылка)
- ↑ 12 созыв (БАССР)
- ↑ Народные депутаты Республики Башкортостан. Двенадцатый созыв. - Уфа, Китап, 1994. - с. 30
Сығанаҡтар
- Народные депутаты Республики Башкортостан. Двенадцатый созыв. - Уфа, Китап, 1994. - с. 104
- Борисов Константин Алексеевич 2020 йылдың 11 ғинуар көнөндә архивланған.